Lajme

Ymeri: Pozicionimi i Kurtit është fals, dialogu do të zgjasë së paku edhe 10 vite

Autori: Gazeta inFokus 22:30 | 07 February 2023

Opinionisiti Visar Ymeri, ka thënë se kryeministri Albin Kurti bën analizë kur flet për çështjen e Asociacionit, që sipas tij është gabim, sepse analizë bëjnë analistët, e jo kryeministri.

“Ky pozicionim i Kurtit është fallc, është inekzistent për sa kohë që nuk ndërmerr masa për me bo juridik, qëndrimin e tij politik, përndryshe është analizë e situatës. Një pjesë e konsiderueshme pra është analizë e situatës, Serbia nuk po e don këtë, po dakord çfarë e ki ndërmend me bo Albin…Analizë bëjmë ne, jo kryeministri. Ka pas situata absurde në politikën tonë. Pse pom vet mu a duhet të bëhet Asociacioni, kjo është përgjegjësi e këtij personi dhe partive në Kuvend”, ka thënë Ymeri në Debat Plus.

Ish-kryetari i VV-së tha se qytetarët janë të pa informuar për proceset ndodhura së fundi sa i përket arritjes ose jo të një marrëveshje mes Kosovës e Serbisë.

-Advertisement-

Ai shtoi se një proces i tillë për të arritur drejt një marrëveshje mund të zgjasë së paku edhe dhjetë vite.

“ Kurti duhet me na tregu cilat janë të mirat që ia sjelli Kosovës në raport me dialogun me taktizimet e tij, Çka këna fitu na si Kosovë, A ka me përfundu procesi në Mars, si do të përfundojë procesi… Ky proces ka me zgjatë dhjetë vjetë së paku, ashtu siç po parashikohet. Na përgjigjet për gjitha pyetjet nuk mund ti japim në studio, na nuk jemi të informum, nuk dijmë asgjë për procesin”, ka vijuar Ymeri.

Visar Ymeri beson se Kurti nuk ka një qëndrim apo pozicionim kundërshtues karshi Asociacionit.

“Pozicioni kundërshtues i Kurtit si kryeministër karshi Asociacionit nuk ekziston. Dmth nuk është çështja e pranimit ose jo të marrëveshjes, përveç nëse pozicionohesh për mos pranim të marrëveshjes, por për sa kohë marrëveshja është në fuqi në Republikën e Kosovës e ajo është në fuqi prej vitit 2013 atëherë ti ki me marr masa për implementimin e saj ose jo. Mundesh me e përshpejtu, me e ngadalsu interpretimin ose mundesh me thon Serbia e ka shkelë këtë marrëveshje, nuk po e zbaton, rrjedhimisht as ne nuk e zbatojmë dhe e shfuqizojmë. Pra, nuk është pjesë e rendit kushtetues.Ose si Thaçi që e ka pas një tjetër marrëveveshje, me këmbim territoresh…”, ka theksuar Ymeri.

Subscribe në YouTube: GAZETA INFOKUSI

Të tjera

Fokusi

lajme