Lajme

Ymeri: Dënimi i deputetëve të VV-së, akti më hipokrit deri më tani

Autori: Gazeta inFokus 14:01 | 03 January 2018

Ish-kryetari i Vetëvendosjes, Visar Ymeri ka reaguar ndaj dënimit që iu shqiptua sot katër deputetëve të kësaj partie për hedhjen e gazit lotsjellës në Kuvend.

Ymeri në një postim në Facebook ka shkruar se dënimi i sotëm tregon qëllimin politik të rastit ndaj deputetëve.

Sipas tij, akti i sotëm është më hipokriti i prodhuar nga institucionet deri më tani.

-Advertisement-

Ja postimi i plotë:

Dënimet e shqiptuara me rastin e shpalljes së aktgjykimit ndaj deputetëve janë treguesi më i mirë për qëllimin politik të këtij rasti.

Gjykata Themelore në Prishtinë, e përfaqësuar nga Beqir Kalludra shprehi supremacionin juridik dhe politik ndaj aktgjykimit të Gjykatës Kushtetuese, dhe vullnetit të 205 mijë qytetarëve të cilët shprehën kundërshtimin e tyre në peticionin referendar ndaj marrëveshjeve që cenonin qenësinë e Republikës, për kundërshtimin e të cilave sot deputetët u shpallën fajtor.

Ky gjykim me këta gjyqtarë është mostra më kredibile që dëshmon diktatin politik ndaj sistemit gjyqësor.

Albini, Albulena, Donika dhe Fatoni janë përfaqësues të popullit në emër të të cilit sot u dënuan. Aktgjykimi si i tillë është akti më hipokrit që ka prodhuar ndonjë institucion vendor deri më tani dhe si i tillë është mjeti i fundit i persekutimit të kundërshtarëve politik.

Subscribe në YouTube: GAZETA INFOKUSI