Sport

Ylli i Real Madridit mbetet jashtë listës së Brazilit

Autori: Gazeta inFokus 12:10 | 02 November 2024

Endrick është lënë jashtë listës së Brazilit për ndeshjet kualifikuese të Kupës së Botës gjatë muajit nëntor, pasi ka vështirësi për të gjetur minutazhë te Real Madridi.

Trajneri i Brazilit, Dorival Jr ka publikuar skuadrën e tij për ndeshjet ndaj Venezuelës dhe Uruguait, derisa nuk ka vend për Endrickun.

18-vjeçari nuk është inkuadruar fare në katër ndeshjet e fundit të Realit, teksa ende s’ka nisur ndeshje nga fillimi në La Liga.

-Advertisement-

Mirëpo, Endrick nuk është lojtari i vetëm i madh që s’është ftuar. Edhe Neymar mungon për këto ndeshje, ndonëse ka disa ditë që është kthyer nga lëndimi.

Endrick është lënë jashtë nga skuadra e Brazilit për herë të parë, qëkur debutoi në nëntor të 2023-ës, teksa bashkëlojtari i tij te Reali, Vinicius Jr është rikthyer pasi mungoi muajin e kaluar shkaku i lëndimit.

Mungesa e minutazhës te Reali ka bërë që Endrick të mos pranojë ftesë për këtë muaj, me trajnerin e Brazilit që ka thënë se lojtarët duhet të luajnë në klubet e tyre për t’u ftuar në kombëtare.

Lista e plotë:

Portierë: Bento (Al Nassr), Ederson (Manchester City), Weverton (Palmeiras)

Mbrojtësit: Danilo (Juventus), Vanderson (Monaco), Abner (Lyon), Guilherme Arana (Atlético-MG), Eder Militão (Real Madrid), Gabriel Magalhaes (Arsenal), Marquinhos (Paris Saint-Germain), Murillo (Nottingham Forest)

Mesfushorët: André (Wolverhampton), Andreas Pereira (Fulham), Bruno Guimaraes (Newcastle), Gerson (Flamengo), Lucas Paqueta (West Ham United) and Raphinha (Barcelona)

Sulmuesit: Estevao (Palmeiras), Igor Jesus (Botafogo), Luiz Henrique (Botafogo), Rodrygo (Real Madrid), Savinho (Manchester City) and Vinicius Jr. (Real Madrid)