Rozë

Yamal kapet ‘mat’ me të dashurën e re, një tjetër yll i rrjeteve sociale

Autori: Gazeta inFokus 11:33 | 03 December 2024

Talenti i ri i Barcelonës, Lamine Yamal, duket se ka nisur një kapitull të ri në jetën e tij personale. Ylli i futbollit është parë në Barcelonë me të dashurën e tij të re, Anna Gegnoso. Kjo e fundit është një influencuese italiane që ka fituar famë të madhe në “TikTok” dhe “Instagram”, ku ka mbi 1.4 milionë ndjekës.

Sipas raportimeve, Lamine dhe Anna u panë duke bërë blerje në qytetin katalanas, të veshur me kapuç për të shmangur paparacët. Megjithatë, videot e çiftit janë shpërndarë gjerësisht në internet, duke nxitur komente nga fansat që e kanë identifikuar Annën si një sensacion të “TikTok”-ut italian.

Anna dhe shoqja e saj, sipas raporteve, udhëtuan nga Italia për të mbështetur Lamine në kthimin e tij nga lëndimi, gjatë ndeshjes që Barcelona humbi 2-1 ndaj Las Palmas. Ky veprim ka konfirmuar më tej lidhjen mes dyshes.

-Advertisement-

Romanca mes Lamine dhe Annës vjen pas ndarjes së futbollistit nga ish-e dashura e tij, Alex Padilla, këtë verë. Sipas spekulimeve, ndarja ndodhi për shkak të tradhtisë së pretenduar të Alex-it, çka ka nxitur dyshime te fansat që Lamine ka gjetur ngushëllim tek Anna.

Me vetëm 19 vjeç, Anna Gegnoso ka fituar një audiencë të madhe online përmes përmbajtjes së saj kreative dhe duket se po fiton gjithashtu zemrën e talentit të futbollit. Çifti tani është nën vëmendjen e publikut, ndërsa marrëdhënia e tyre vazhdon të zhvillohet.