Lajme

Yagcilar harxhoi 17 mijë euro në dreka e darka

Autori: Gazeta inFokus 08:12 | 13 November 2019

Ministri Mahir Yagcilar ka shpërfillur të gjitha limitet e shpenzimeve në dreka e darka zyrtare. Për 24 muaj ai ka harxhuar në ushqime rreth 17 mijë euro.

E dhëna ndodhet në pasqyrën e shpenzimeve të bëra gjatë dy vjetëve, e të cilën Ministria e Administratës Publike ia ka vënë në dispozicion “Kohës Ditore”, pas një kërkese për qasje në dokumente publike.

Bazuar në këtë dokument, Yagcilar ka shpenzuar për reprezentacion saktësisht 16.672.71 euro.

-Advertisement-

Reprezentacioni nënkupton të gjitha shpenzimet që bëhen me rastin e kryerjes së punëve dhe detyrave, siç janë drekat apo darkat me delegacione të ndryshme, e edhe pijet gjatë takimeve. Udhëzimi Administrativ, që trajton këtë kategori shpenzimesh, i kufizon ato për ministrat deri në shumën 500 euro në muaj.

Përgjatë dy vjetëve, vetëm në katër muaj ministri kishte respektuar këtë limit: në nëntor 2017, në dhjetor 2018 dhe në maj e korrik 2019.

Subscribe në YouTube: GAZETA INFOKUSI
Etiketa:

Të tjera

Fokusi

lajme