Uncategorized

Xi Jinping-u takohet me Vladimir Putinin

Autori: Gazeta inFokus 11:32 | 21 March 2023

Të hënën pasdite, kryetari i shtetit i Kinës Xi Jinping mbërriti në Moskë dhe pati një takim në Kremlin me presidentin rus Vladimir Putin.

Xi theksoi që Kina dhe Rusia janë vendet më të mëdha fqinje të njëra-tjetrës dhe partnere me bashkërendim të gjithanshëm strategjik. Marrëdhëniet kino-ruse zënë një pozicion me përparësi në diplomacinë dhe politikën e jashtme të të dy vendeve. Kina ndjek gjithmonë një politikë të jashtme të pavarur dhe konsolidimi e zhvillimi i marrëdhënieve me Rusinë është zgjedhja strategjike e palës kineze, që bazohet në interesat thelbësorë dhe prirjet e zhvillimit global ,vuri në dukje Xi Jinping-u.

Presidenti rus Vladimir Putin u shpreh që, me përpjekjet e përbashkëta, vitet e fundit marrëdhëniet Kinë-Rusi kanë pasur arritje të frytshme në fusha të ndryshme. Rusia është e gatshme që, bashkë me Kinën, të vazhdojë të thellojë bashkëpunimin konkret dypalësh.

-Advertisement-

Të dy palët shkëmbyen mendime edhe mbi problemin e Ukrainës. Xi theksoi që, për këtë problem, po shtohen pandërprerë zërat racionale e paqësorë. Shumica e vendeve mbështesin zbutjen e tensionit, paqen e bisedimet dhe kundërshtojnë nxitjen e konfliktit. Nga ana historike, konfliktet në fund duhet të zgjidhen nëpërmjet dialogut dhe bisedimeve. Pak kohë më parë, Kina publikoi një dokument të posaçëm mbi qëndrimin e vet për këtë çështje, ku bën thirrje për zgjidhjen politike të krizës së Ukrainës dhe kundërshton mendësinë e Luftës së Ftohtë dhe vendosjen e sanksioneve të njëanshme. “Mendojmë që, përpara vështirësive, duhet të krijojmë hapësirë për paqe; përpara mosmarrëveshjeve, duhet të mos heqim dorë nga dialogu. Kina është e gatshme të vazhdojë të luajë rol konstruktiv për zgjidhjen politike të problemit të Ukrainës,” theksoi Xi.

Subscribe në YouTube: GAZETA INFOKUSI

Të tjera

Fokusi

uncategorized