Lajme

Xhamia e Çarshisë po shkatërrohet, restaurimi ka mbetur në gjysmë

Autori: Gazeta inFokus 20:14 | 26 May 2017

Mosvazhdimi i punimeve në Xhaminë e Çarshisë ka bërë që ajo të shkojë drejt shkatërrimit dhe keqpërdorimit, raporton KTV .

Ndonëse punimet për restaurimin e saj kanë filluar në vitin 2011, restaurimi i plotë duket larg nga përfundimi.

Banorët janë të frustruar me gjendjen, në të cilën është lënë objekti që e cilësojnë si simbol të pjesës së vjetër të qytetit.

-Advertisement-

Përderisa thonë se shpresojnë që restaurimi të përfundojë këtë vit, zyrtarët e Komunës së Prishtinës fajin për vonesat e vënë te moskryerja e punës nga Instituti për Mbrojtjen e Monumenteve, që funksionon në kuadër të Ministrisë së Kulturës.

Asnjë përgjigje për gjendjen dhe vonesat nuk e kanë dhënë në Ministrinë e Kulturës. Në Bashkësinë Islame të Kosovës thonë se janë në dijeni të gjendjes dhe për këtë thonë se kanë lajmëruar edhe institucionet shtetërore.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!

Të tjera