Lajme

Xhaferi mbledh partitë, diskutohet votimi i qeverisë

Autori: Gazeta inFokus 13:42 | 29 May 2017

Kryetari i Kuvendit Talat Xhaferi sot mbajti takim koordinues me partitë parlamentare, i cili sipas informacioneve nga kabineti i tij, ka qenë në funksion të seancës së nesërme për zgjedhjen e qeverisë së re.

Ndërkohë nga LSDM-ja ka marrë pjesë Oliver Spasovski, Ejup Halimi nga BDI-ja, Vesel Memedi nga Aleanca për Shqiptarët, Bardhyl Mamuti nga PDSH-ja dhe Afrim Gashi nga Besa. Në takim nuk ka marrë pjesë asnjë përfaqësues i VMRO-DPMNE-së.

Në takimin me kryetarin e Kuvendit Talat Xhaferi, palët dakorduan renditjen e fjalimeve të përfaqësueseve të partive pas fjalimit të mandatarit Zaev.

-Advertisement-

Sipas Rregullores për punën e Kuvendit, mandatari e elaboron programin dhe propozimin për krijimin e Qeverisë para deputetëve. Pas programit dhe përbërjes së Qeverisë, Kuvendi mban debat të paktën dy ditë. Renditja e deputetëve të cilët do të marrin pjesë në debat e konfirmon kryetari i Kuvendit në mënyrën me të cilën siguron pjesëmarrje në debat të deputetëve nga partitë e ndryshme politike të përfaqësuara në Kuvend, qëndron në Rregullore.

Votimi për zgjedhjen e Qeverisë bëhet sipas propozimit për krijimin e Qeverisë në tërësi me votim publik. Votimi bëhet pas përfundimit të debatit, ndërsa më vonë deri në orën 24:00. Qeveria është zgjedhur nëse për të ka votuar shumica nga numri i përgjithshëm i deputetëve. Kryetari i Kuvendit e njofton presidentin e shtetit për zgjedhjen e Qeverisë. /AlsatM/

Subscribe në YouTube: GAZETA INFOKUSI