Lajme

Xhafer Tahiri emëron drejtoreshën e re

Autori: Gazeta inFokus 15:40 | 15 February 2018

Kryetari i komunës së Vushtrrisë, Xhafer Tahiri javë më parë kishte shkarkuar Lumturije Mehmetit nga pozita e drejtoreshës së Drejtorisë për Kulturë, Rini dhe Sport në këtë komunë. E në këtë pozitë është emëruar Fatmire Cecelia nga Lëvizja Vetëvendosje.

Tahiri në një prononcim për ‘Infokusin’ ka konfirmuar emërimin e Cecelies në këtë pozitë.

‘Fatmire Cecelia është emëruar drejtoreshë e Drejtorisë për Kulturë, Rini dhe Sport në komunën e Vushtrrisë’, ka thënë Tahiri.

-Advertisement-

Ndërsa i pyetur rreth premtimit të dhënë gjatë fushatës zgjedhore për emërimin e së paku pesë grave në pozita udhëheqëse brenda komunës ai ka thënë kjo nuk u realizua për shkak të koalicionet të madh politikë.

‘As unë nuk jam i kënaqur me numrin e grave që kemi në ekzekutiv por konfiguracioni i koalicionit politikë e ka imponuar këtë përbërje aktuale’, ka shtuar ai.

Tahiri madje është shprehur optimistë së ky numër mund të ndryshojë pas vlerësimit çdo gjashtë muaj që do ti bëhet drejtorëve.

‘ Drejtorët e Drejtorive në komunën që unë e udhëheq i nënshtrohen vlerësimit çdo gjashtë muaj e jo çdo një vit dhe vlerësimi i punës bëhet mbi bazën e përformancës jo mbi bazën e gjinisë’

Portali “Infokusi” rreth një muaj më parë kishte raportuar për dokumentin e siguruar për shkarkimin e drejtoreshës, Lumturije Mehmetit për shkak të mungesës së saj në vendin e punës (Kliko këtu)/INFOKUSI

Subscribe në YouTube: GAZETA INFOKUSI