Xhabir Zharku ankohet në apel, kërkon t’i hiqet masa e paraburgimit (Dokument)
Autori: Halil Berisha
17:51 | 16 December 2019
Ish-kryetari i Kaçanikut, Xhabir Zharku, u arrestua këtë të shtunë.
Për arsyet e këtij arrestimi dhe dyshimet që rëndojnë mbi të ekskluzivisht raportoi Gazeta inFokus.
Ndaj Zharkut edhe është caktuar masa e paraburgimit prej 30 ditësh.
E sot, të hënën pala mbrojtëse e Xhabir Zharkut është ankuar ndaj kësaj mase, duke kërkuar që e njëjta t’i hiqet, shkruan gazeta inFokus.

Avokatja që e përfaqëson Zharkun, Albana Kelmendi, ka propozuar “që ankesa të aprovohet dhe aktvendimi i kundërshtuar të ndryshohet ashtu që i pandehuri të mbrohet në liri t’i ose shqiptohet masë tjetër që siguron praninë e të pandehurit në procedurë penale e paraparë me nenin 173 të KPP”.
E një nga arsyet e vendosjes së masës së paraburgimit përmendet edhe një rast ku thuhet se Zharku u arratis nga drejtësia dhe dënimi që i ishte dhënë deri në parashkrimin e lëndës.
Në ankesën e palës mbrojtëse thuhet se “Gjykata nuk ka dhënë shpjegime të mjaftueshme se pse e konsideron që ekziston rreziku i ikjes dhe vetëm e ka caktuar masën e paraburgimit, pa shpjeguar në asnjë mënyrë rrezikun e ikjes apo pse ky rrezik nuk mund të parandalohet përmes masave alternative ndaj masës së paraburgimit, kur dihet se Republika e Kosovës, ka marrëveshje ndërkombëtare dhe bashkëpunim ndërkombëtar me shtetet e Bashkimit Evropian, e në veçanti me shtetin e Suedisë. Në rastet kur rreziku i ikjes është bazë për caktimin e masës së paraburgimit, gjykata duhet gjithmonë të vlerësojë nëse një masë më pak kufizuese duhet përfshirë dorëzaninë, konfiskimin e dokumenteve të udhëtimit të të pandehurit, shoqërimin me obligimin për paraqitje të rregullt në polici do të ishte e mjaftueshme për të parandaluar të pandehurin për të ikur”.
Kësisoj në ankesë thuhet që arsyetimi është i paqëndrueshëm e i pa mbështetur në fakte të mjaftueshme, shkruan gazeta inFokus.

“Andja, mbrojtja me të drejtë konstaton se gjykata ka dëhstuar të ofrojë një sqarim bindës mbi këtë bazzë dhe arsyetimi si në aktvendimin e atakuar është i paqendrueshëm dhe i pa mbështetur në fakte të mjaftueshme, por mbi këtë bazë vetëm janë parafrazuar dispozitat liugjore”, thuhet në ankesën e palës mbrojtëse drejtuar Gjykatës së Apelit.
Ndërsa arsye tjetër për caktimin e masës së paraburgimit për Xhabir Zharkun është thënë se është edhe dyshimi se mund të ndikoj tek dëshmitarët.
“Gjithashtu e theksoj faktin se gjykata i ka dhënë rëndësi vendimtare ndikimit në dëshmitarë, por pa i sqaruar qartë rrethana konkrete që si do të ushtrohet ky ndikim”, thuhet në ankesë.
Dëshmitari në fjalë është i njohur për redaksinë dhe në ankesë thuhet që është praktikisht dhe juridikisht e pamundhsme që i pandehuri të ndikoj në të./Gazeta inFokus/

T� tjera
-
Çitaku: Keqardhja e komisioneres Kos nuk mjafton, kërkojmë sqarim, kërkimfalje dhe garanci për mospërsëritje
Ushtruesja e detyrës së kryetares së PDK-së, Vlora Çitaku, ka reaguar pas dek...
-
Ymeri-Qeverisë: E konfirmuat se kishte tregti të energjisë me Serbinë, por jeni shumë vonë ta nxirrni Kosovën nga kjo “fajde”
Deputetja e LDK-së, Janina Ymeri ka reaguar menjëherë pasi Qeveria Kurti 4 ka...
-
Bajrami për ndërprerjen e tregtimit të rrymës me Serbinë: Tash po shiten si patriotë
Deputetja e LDK-së, Hykmete Bajrami, ka reaguar pas vendimit të Qeverisë së K...
-
Kurti demanton propagandën 5 vjeçare të tij me vendim të ndalimit të importit nga Serbia
Pesë vjet deklarata se nuk importohet rrymë nga Serbia, Kurti tani vendos ta ...
-
Kurti për dekretimin e Ligjit për Byronë: Kapitull i ri për drejtësi dhe barazi
Kryeministri i Kosovës, Albin Kurti, në mbledhjen e sotme të Qeverisë ka folu...
-
Pas mbi 4 milionë eurove importe të rrymës direkt nga Serbia, Kurti vendos ta ndalojë tregtimin me kompanitë serbe
Qeveria e Kosovës ka miratuar të hënën vendimin për ndalimin e tregtimit të e...
-
Dogana mbledh mbi 1.7 miliard euro për 10 muaj, ja sa u rritën të hyrat
Dogana e Kosovës ka mbledhur mbi 1.7 miliard euro gjatë 10 muajve të parë të ...
-
Kos ua lë fajin muzikantëve për melodinë nacionaliste në “Forumin e zgjerimit”
Komisionerja për Zgjerim, Marta Kos ka shprehur keqardhjen për muzikën e këng...
-
Aksidenti në tunelin e Murrizit, kjo është mjekja që humbi jetën
Doktoresha Maltina Ferati nga Tetova, është një nga viktimat e aksidentit të ...
-
Qeveria miraton vendimin, ndërpritet tregtimi i rrymës me kompanitë nga Serbia
Qeveria e Kosovës ka miratuar propozim vendimin, për ndalimin e tregtimit të ...
-
Tahiri kërkon reagimin zyrtar të BE-së ndaj këngës nacionaliste serbe: Kosova të intensifikojë diplomacinë me SHBA-në
Tahiri kërkon reagimin zyrtar të BE-së ndaj këngës nacionaliste serbe: Kosova...
-
Kurti: Do ta ndalojmë tregtimin e energjisë elektrike me kompanitë serbe
Kryeministri Albin Kurti, ka bërë të ditur se Qeveria do të marrë sot tri ven...



































