William Walker për Kurtin: Jam i zhgënjyer dhe i mërzitur
Autori: Gazeta inFokus 16:20 | 21 July 2022
“I zhgënjyer dhe i mërzitur”, ishte shpjegimi që ish-ambasadori i OSBE-së në Kosovë dhe mbështetësi i kahershëm i Lëvizjes Vetëvendosje, William Walker dha, i pyetur rreth mendimit të tij për qeverisjen e deritanishme të kryeministrit Albin Kurti.
Marrëdhëniet mes Kosovës dhe Shteteve të Bashkuara të Amerikës “nuk janë më siç kanë qenë në të kaluarën”, shpjegoi Walker, teksa tha se “ka rënie në mirëkuptimin e të dyja palëve”.
Rënie që Kosovës s’guxon t’i ndodhë, “për shkak se janë të rëndësisë së jashtëzakonshme”, pohoi Walker në këtë prononcim për Albanian Post.
“Më lejoni ta shpjegoj zhgënjimin tim. Kam qenë i zhgënjyer, për shembull, që qeverisë së tashme iu desh më shumë se një vit që të vijë në Washington për një vizitë të çfarëdoshme. Mendoj se marrëdhëniet mes Washington-it dhe Prishtinës janë jashtëzakonisht të rëndësishme, por për atë kohë aq të gjatë, qeveritarët shkuan në Berlin, nëpër kryeqytete të Evropës dhe vende tjera, por nuk erdhën në Washington”, tha ai.
“Provova t’i dërgoj fjalë Albin Kurtit, presidentes [Vjosa] Osmani, që me të vërtetë duhet të vinë në Washington, dhe ta dëshmojnë se e kuptojnë rëndësinë e marrëdhënieve me Shtetet e Bashkuara të Amerikës”.
Sa për vizitën 14 ditore të Kurtit në ShBA, Walker tha se “u zhgënjeva që në rend të parë s’më kontaktuan fare”.
“Nuk e dija që po vinin, deri më kur ikën, dhe u ndjeva që vizitat e tyre nuk ishin shumë të vlefshme”, shpjegoi më tej William Walker.
“Këto janë mendime personale të mia, jo të bazuara në ndonjë shkencë. Besoj që fjala më e mirë për ta përshkruar këtë është “zhgënjimi”.
Ish-ambasadori Walker, thotë se qysh kohë më parë i ka këshilluar që ta vizitojnë Washingtonin zyrtar, dhe se në rast të vizitës ai do t’i ndihmonte në caktimin e vizitave me zyrtarë amerikanë të cilët do të ishte mirë që Kurti t’i takonte.
“Një vite ose më parë takohesha me anëtarë të Lëvizjes Vetëvendosje, që ishin këshilltarë të zotit Kurti. Shpesh u kam thënë që ai duhet të vijë në Washington, dhe kur të vjen, mendoj se janë disa njerëz të caktuar të cilët ai duhet t’i takojë. Dhe më kanë thënë se ‘gjithsesi kur të vjen zoti Kurti në Washington do të të takojmë, që ta dimë se kë mendon ti që ai duhet ta takojë’”.
“Por, kjo nuk ndodhi. Nuk e di, fjala është se jam i zhgënjyer. Nëse themi diçka përtej kësaj, do ta vija në dyshim. Mendoj se marrëdhënia me Washington-in nuk është më siç ka qenë në të kaluarën. Mendoj se ka ndodhur një rënie të mirëkuptimit të ndërsjellë, në të dyja palët”, thotë Walker.
“Kryeministri duke mos ardhur më herët në Washington, tregoi se e ka keqkuptuar rëndësinë e marrëdhënieve [Washington-Prishtinë], dhe mendoj se fakti që Shtëpia e Bardhë në Washington, nuk ishin në gjendje ta prisnin, tregoi se edhe ata nuk e kuptojnë rëndësinë e marrëdhënieve. Pra, kështu mendoj, nuk është vetëm zhgënjim, jam ca edhe i mërzitur që situata e tanishme nuk është aq e mirë sa do të duhej të ishte”, thotë ai.
Njëjtë siç ka rënie në raportet SHBA – Kosovë, Walker pohon se ka edhe mes tij e Vetëvendosjes, lëvizjen që dikur e përkrahu pakushte.
“Për mua është çështje personale, besoj se kam qenë shumë mbështetës për Vetëvendosjen, pesë ose gjashtë vite më parë, kur sa po bëheshin lëvizje politike, parti politike. Mendoj se kam bërë shumë që t’u ndihmojë, që ta marrin dritën/qendrën e skenës politike”.
“Dhe siç thash, nuk kam folur me Albin Kurti qe disa vite, përveç se për disa minuta kur po flisja me njerëz në zyrën e tij. Ai doli në një thirrje në Zoom që po mbaja. Pra edhe këtu jam pak i zhgënjyer përsëri, i mërzitur, që Vetëvendosja nuk ka qenë shumë pranuese ndaj zërave të jashtëm ashtu siç do të duhej të ishin”, përfundoi ish-ambasadori Walker.
Të tjera
-
Vd*es profesori Binak Gërguri
Ka vdekur profesori Binak Gërguri, punonjësi shumëvjeçar i Institutit Pedagog...
-
NDODH DHE KJO/ Mjekët japonezë padisin Google Maps, ja arsyeja
Afër 60 mjekë në Japoni kanë ngritur padi, duke akuzuar Google Maps për injor...
-
Policia konfiskon dy armë zjarri në dy raste të ndryshme në Suharekë
Policia e Kosovës ka njoftuar për konfiskimin e dy armëve të zjarrit brenda 2...
-
Policia e Prishtinës vazhdon aktivitetet për largimin e personave që kërkojnë lëmoshë në rrugë
Policia e Prishtinës po i vazhdon aktivitetet për largimin e personave që kër...
-
Stano: Themelimi i Asociacionit çështje urgjente, moszbatimi i marrëveshjeve ka pasoja për të dyja palët
Sot janë bërë 11 vjet nga arritja e marrëveshjes së parë në mes të Kosovës dh...
-
Kurti ‘i dështojnë’ inspektimet, banorët protestojnë për zgjerimin e rrugës Kijevë-Dollc
Kryeministri i Kosovës, Albin Kurti ka inaguruar fillimin e punimeve për zgje...
-
Pamjet tmerrüese: Dënohet me 15 vite burg arsimtari që püthi nxënësen në Deçan
Me 15 vite burg e asnjëherë më kthim apo ligjërim në shkollë është dënuar, ar...
-
Propozim nga partia e Vuçiqit: Serbia t’i ndërpresë integrimet evropiane
Deputeti i Partisë Përparimtare Serbe (SNS) Vlladimir Gjukanoviq ka sugjeruar...
-
Kurti ironizon me ushtrimet e ushtrisë serbe: Paraqesin ndotje të ajrit e tokës
Kryeministri i vendit, Albin Kurti, është deklaruar në lidhjet me ushtrimet u...
-
Kurti përmendi marrëveshjen Thaçi-Daçiq, reagon Çitaku: E di që po të mungon, duro dhe pak
Pasi kryeministri i vendit, Albin Kurti përkujtoi 11 vjetorin e arritjes së m...
-
15 filma në konkurrim për çmimet Tiantan në Festivalin e Filmit të Pekinit 2024
15 filma nga e gjithë bota, po konkurrojnë për çmimet Tiantan në Festivalin e...
-
Kurti: I ftoj qytetarët t’ia ndërpresin mandatin kryetarëve në veri, nëse mendojnë se nuk kanë qeverisur mirë
Kryeministri i vendit, Albin Kurti, ka folur për procesin e referendumit të 2...