Lajme

Walker në Shtime, i lumtur që vizita e tij kësaj here ishte për një rast gëzimi

Autori: Gazeta inFokus 18:35 | 17 February 2019

Ish-ambasadori William Walker, ka marrë pjesë në përurimin e Palestrës Sportive në komunën e Shtimes.

Me ftesë të kryeparlamentarit Kadri Veseli, i pranishëm në përurimin e Palestrës Sportive në Shtime ishte edhe ish-ambasadori William Walker.

Me këtë rast, ish-ambasadori Walker u shpreh i lumtur që këtë herë Shtimen po e viziton për një rast gëzimi.

-Advertisement-

“Për mua ka qene një befasi shumë e këndshme ftesa nga kryeparlamentarin e Kosovës që të vijë këtu të shohë qytetin e Shtimes dhe të shohë të arriturat e këtij qyteti me këtë sallë shumë të bukur. Para disa minutash siç i thashë edhe kryetarit të Komunës që e njohë për shumë vite tash. Zakonisht sa herë që vizitoj qytetin e Shtimes unë vijë për një rast të zymtë për diçka që ka ndodhur para 20 viteve që ka ndodhur në masakrën e Reçakut. Papritmas vizita ime këtu sot dhe duke parë se çfarë investime keni bërë për të mirën e qytetit dhe për qytetarët e kësaj rrethine me të vërtete unë po buzëqesh dhe me të vërtetë se jam shumë i kënaqur”, tha Walker.

Ai po ashtu tha se i ndjek lajmet për Kosovën e që sipas tij, në lajmet ndërkombëtare zakonisht paraqiten disa lajme të këqija për Kosovën, por siç u shpreh Walker, sporti e kultura janë ato lajme të mira.

“Medaljet e arta në xhudo, futbollistët kosovarë që luajnë në ekipe të famshme ndërkombëtare janë lajme të mira që vijnë shpesh nga Kosova edhe në sport e kulturë që ju e keni dëshmuar”, tha Walker në fjalimin e tij.

Subscribe në YouTube: GAZETA INFOKUSI

Të tjera

Fokusi

lajme