Lajme

VV thirrje mërgimtarëve: Një biletë e aeroplanit bën ndryshimin në Kosovë

Autori: Gazeta inFokus 14:55 | 16 May 2017

Lëvizja Vetëvendosje u ka bërë thirrje qytetarëve të Kosovës të cilët jetojnë jashtë vendit që të marrin pjesë masivisht në zgjedhjet e parakohshme, të cilat do të mbahen më 11 qershor.

Faton Topalli, nga kjo parti në një konferencë për media foli për rëndësinë e mërgatës kosovare duke thënë se roli i saj në ekonominë e vendit është jashtëzakonisht i madh.

Ai tha se një biletë e aeroplanit mund të bëjë ndryshimin në Kosovë.

-Advertisement-

Topalli tha se Lëvizja Vetëvendosje do të angazhohet me tërë potencialin që t’u krijojë kushte dhe hapësirë qytetarëve që janë në mërgim që të vijnë në Kosovë dhe të kontribuojnë përmes dijes së fituar jashtë vendit.

“Është pjesa më vitale e popullit tonë dhe është e jona që të krijojmë kushte të marrin pjesë në zgjedhje”, u shpreh Topalli.

Subscribe në YouTube: GAZETA INFOKUSI