Në një vend me qeverisje normale e politikan të zakonshëm 100 ditë janë të mjaftueshme për të vlerësuar qeverinë nëse ka punuar apo jo si duhet.

Madje edhe në Kosovë, vend që pretendon të jetë i tillë, pas 100 ditëve punë, kryeministri raporton për të arriturat e tij në Kuvend, shkruan gazeta inFokus.

Por, tash këtë të martë, bëhen plot 100 ditë, që Kosova jo veç që është pa qeveri të mirëfilltë, por që prej se kanë përfunduar zgjedhjet.

E pavarësisht se qytetarët vendosën se kush do të dëshironin t’i udheheqë, si duket kjo ka pak rëndësi për ata që kërkojnë votën.

Në fakt, qytetarët, ani se pjesa më e madhe e tyre nuk votuan, ata që e kryen obligimin e tyre qytetarë vendosën që për këto katër vite, opozita të bëhet pozitë.

Por, pozita që ishte deri tash, e që konsiderohej problematike, u pajtua me rezultatin, e pranoj humbjen e edhe daljen në opozitë, shkruan gazeta inFokus.

Tash si për çudi problemi është tek ata që morën votat, Vetëvendosje si e para parti e LDKsi e dyta.

Këto dy parti, ani se garantonin që për 72 orë do të bënin koalicionin, po kalojnë 100 ditë prej që është bërë qeveria e marrëveshje nuk po arrijnë asesi të bëjnë.

Arsye për këtë, publikisht thuhen nga më të ndryshmet, por që krejt këto kanë të bëjnë me postet politike.

Fillimisht telashe pati për Ministrinë e Punëve të Brendshme, që të dy partitë e dëshironin veç për vete.

Pastaj, si duket kjo u zgjidh, tash telashet janë me postin e Presidentit, shkruan gazeta inFokus.

Kryeparlamentari mendohet t’i takonte LDK-së, por që në mungesë të marrëveshjes, Vetëvendosje e bëri Glauk Konjufcën, gjë që prishi të gjitha matematikat që ishin deri në atë moment.

Kjo e futi edhe në një krizë të re “Koalicionin e Shpresës”.

Tash LDK, më nuk po pajtohet me idetë e vjetra, pasi kryeparlamentari nuk është më i saj, në fakt partia e Isa Mustafës, nuk po pajtohet edhe veç me Presidentin, të cilin tash po ia lejon VV.

E krejt këto probleme, si duket e kanë lodhur edhe bashkësinë ndërkombëtare, e sidomos ata nga ShBA-të.

Shpesh kryediplomati amerikan viziton herë njërën e herë tjetrën parti, por që rezultati ende nuk po shihet.

Në fakt, deri tash, nga pajtimet më të shpeshta e nga rezultatet që më së shumti herë është bërë publike pas këtyre takimeve në mes të Vetëvendosjes e LDK-së, e që kandë ditur të zgjasin edhe me më shumë se 4 orë ka qenë pajtimi për t’u takuar përsëri./Gazeta inFokus/

Studio MASTER në UNI, Merr Diplomë dhe lejeqëndrim t’përhershëm në GJERMANI

Sponsoruar