VV kundërshton pagesën e RTK-së përmes KEDS-it
Autori: Gazeta inFokus 14:55 | 19 June 2018
Lëvizja Vetëvendosje propozon që pagesa e qytetarëve për Radio Televizionin e Kosovës të bëhet përmes Postës së Kosovës, duke kundërshtuar kështu që pagesa të mblidhet përmes kompanisë KEDS.
Deputeti i kësaj partie, Valon Ramadani, përmes një konference për media, ka shprehur pakënaqësinë edhe me tarifën që është përcaktuar në projektligjin që është duke u hartuar për RTK-në.
Ai u shpreh se grupi punues i Komisionit për Media ka vendosur se pagesa të jetë 2.5 euro në muaj, e që Ramadani e quan si të papërballueshme për qytetarët e vendit.
“Asnjë studim, vlerësim apo diskutim serioz me njerëz të fushës nuk është bërë paraprakisht për formulën e financimit. Edhe nëse RTK do të reformohej duke rritur dukshëm cilësinë e përgjegjshmërisë dhe nëse specialistët pas një studimi të hollësishëm do të na kishin sugjeruar skemën e financimit nga publiku, tarifat duhet të ishin plotësisht të përballueshme për familjet e të gjithë qytetarëve të Kosovës. Ata duhet të paguajnë për televizionin publik, mirëpo ne mendojmë që kjo tarifë duhet të mblidhet nga Posta e Kosovës. Edhe ashtu, kompani publike që është pranë falimentimit, pra është tarifë që për një vit del diku 2 milion e gjysmë, këto 2 milionë e gjysmë më mirë do të ishte të ishin për kompaninë publike sesa për kompaninë private”, tha ai.
Ramadani ka treguar edhe arsyen se pse janë kundër që KEDS të bëjë mbledhjen e pagesës për transmetuesin publik, duke thënë se provizioni që merr kjo kompani private është 50 cent për çdo pagesë, e që i bije 2.5 milionë euro në vit.
“Ne kemi kundërshtuar prerazi që edhe në rast të financimit nga qytetarët kjo shumë të mblidhet nga KEDS, kompania private që menaxhon shpërndarjen e rrymës në Kosovë, sepse së pari nuk është kompani e përgjegjshme, së dyti provizioni që do të marrë prej kësaj pune është tepër i lartë dhe se është e papranueshme që qytetarët të paguajnë sërish për përfitim të KEDS-it. Tarifa e propozuar prej 2.5 euro në muaj e lidhur me matësit e energjisë dhe të çdo ndërtese në Kosovë, qoftë ajo amvisëri, qoftë këpucëtar, zyrë, noteri, bukëpjekës fabrikë, është jo vetëm arbitrare, është skandaloze, e padrejtë dhe antikushtetuese”, tha Ramadani.
Kundërshtim kjo parti ka edhe sa i përket asaj që Komisioni parlamentar që mbikëqyr transmetuesin publik ka marrë iniciativën për ta hartuar projektligjin.
Deputeti i LVV-së, Valon Ramadani, thotë se kanë kërkuar që ekspert të fushës të merren me projektligjin për RTK-në.
“Ne kemi kërkuar që grupi punues të marrë pjesë specialistë të lartë të inxhinierisë dhe të fushës dhe mbi të gjitha specialistë të lartë të ekonomisë e financave. Ne nuk besojmë dhe objektivisht është e pamundur që këtë projektligj kaq të rëndësishëm mund ta hartojnë qoftë Nait Hasani, qoftë Xhevahire Izmaku apo të gjithë anëtarët e tjerë të komisionit. Asnjëri prej tyre nuk janë të thirrur nga fushat përkatëse”, tha ai.
Madje, ai tha se kanë kërkuar debat publik në çdo komunë të Kosovës me qytetarët dhe përfaqësuesit e tyre në mënyrë që të marrin edhe qëndrimet e tyre.
Lëvizja Vetëvendosje sipas Ramadanit, e konsideron si të papranueshëm versionin e tanishëm të këtij projektligji, e në bazë të kësaj ai u ka bërë thirrje deputetëve opozitarë që të mos e pranojnë këtë version.
Ndryshe, Komisioni për Administratë Publike, Qeverisje Lokale dhe Media do të mblidhet nesër për shqyrtimin e këtij projektligji.
Të tjera
-
Ngjarjet e datës 18 maj
Dega e LDK-së në Gjilan mban konferencë për media. (Selia e Degës së LDK-së G...
-
Plagoset me ar*më zja*rri një person në Nashec të Prizrenit
Një person është plagosur me armë zjarri në mbrëmjen e së premtes në fshatin ...
-
Vjosa Osmani pritet me tortë nga Hillary Clitnon: Ditë edhe më speciale, me miken e popullit tonë
Presidentja e Kosovës, Vjosa Osmani ka udhëtuar për në Bullgari si e ftuar sp...
-
Osmani mbërrin në Bullgari me ftesë të Hillary Clinton, merr pjesë në Clinton Global Initiative
Me ftesë të ish-Sekretares së Shtetit të Shteteve të Bashkuara të Amerikës, H...
-
Bashkimi Evropian ndalon katër media ruse
Bashkimi Evropian tha të premten se pezulloi të drejtën e funksionimit pë...
-
Blerja e teksteve shkollore subvencionohet edhe sivjet
Sikurse vitin e kaluar, edhe sivjet Ministria e Arsimit ka vendos...
-
Shqiptarët duan tre fëmijë si variant i një familjeje ideale
Sondazhi i fundit i Barometrit në Euronews Albania, ka ngritur disa pyetje pë...
-
Maqedonci: Angazhimi i FSK-së në operacionin Interlflex tregues i bashkëpunimit me Britaninë
Ministri i Mbrojtjes, Ejup Maqedonci gjatë qëndrimit në Mbretërinë e Bashkuar...
-
Osmani: Kosova e meriton të bëhet anëtare e KiE-së
Kryediplomati i Maqedonisë së Veriut, Bujar Osmani, gjatë takimit të Komiteti...
-
Regjistrimi i popullsisë shtyhet deri më 24 maj në 11 komuna
Qeveria e Republikës së Kosovës ka miratuar vendimin për shtyrjen e afatit të...
-
Moti për këtë fundjavë
Këtë fundjavë në Kosovë do të mbajë mot me diell, por nuk do të mungojnë vran...
-
Haradinaj: Dështimi në KiE i Kosovës i faturohet vetëm Albin Kurtit
Kryetari i AAK-së, Ramush Haradinaj, ka thënë se mospërfshirja e Kosovës për ...