VV e vendosur: Para rikthimit në dialog duhet sanksione ndaj Serbisë
![](https://gazetainfokus.com/wp-content/uploads/2023/10/vetvendosje-600x360-1.jpg)
Autori: Gazeta inFokus
15:07 | 09 October 2023
Lëvizja Vetëvendosje po kërkon sanksionimin e Serbisë para rifillimit të dialogut. Sipas partisë në pushtet, gjithçka çka është arritur në dialog, është vendosur në plan të dytë pas aktit të agresionit të Serbisë në Kosovë, më 24 shtator dhe se tani është e domosdoshme ofrimi i sigurisë për Kosovën.
Deputetja e LVV-së, njëherësh kryetare e Komisionit për punë të jashtme, Arbëreshë Kryeziu-Hyseni, thotë se Serbia duhet të sanksionohet për aktin e agresionit në Banjskë të Zveçanit.
“Para se t’i rikthehemi dialogut, është shumë e rëndësishme të qartësohen dy gjëra, që është të sigurohemi se s’ka ndonjë rrezik potencial për sulm potencial prej radhës së Serbisë. Këtë sigurisht mund të bëjmë në bashkëpunim me institucionet përgjegjëse brenda Republikës së Kosovës. Po kërkojmë siguri për Kosovën dhe në anën tjetër po kërkojmë sanksione për Serbinë. Besojmë fuqishëm që sidomos pas këtij akti terrorist të 24 shtatorit, Serbia duhet të sanksionohet për atë çka ka bërë në Banjskë të Zveçanit. Në fakt është dashur të sanksionohet në vazhdimësi për të gjithë qasjen që e ka treguar karshi marrëveshjes për normalizim”, thotë ajo.
Deputetja e mazhorancës i mirëpret edhe paralajmërimet e raportueses për Kosovën në Parlamentin Evropian, Viola Von Cramon se ky institucion do të miratojë një rezolutë që dënon sulmin terrorist në veri dhe që po përgatitet një paketë masash ndaj Serbisë.
“Jam mirënjohëse raportueses për Kosovën në Parlamentin Evropian, Viola Von Cramon, e cila paralajmëroi që po përgatitet një rezolutë kundër veprimeve të Serbisë të 24 shtatorit. Kjo rezolutë do të jetë një mesazh i fuqishëm që shkon drejt përfaqësueseve të politikës së jashtme të BE-së dhe drejt përfaqësuesve të 27 vendeve anëtarë. Është momenti kur defenitivisht duhet të sanksionohet shteti që bënë akti të tilla terroriste”, shton ajo.
Sipas saj, në rrethanat aktuale pas sulmit terrorist nuk mund të diskutohet për zgjedhjet në katër komunat veriore apo marrëveshjen e Brukselit apo Ohrit.
“Ajo çka ka ndodhur më 24 shtator ka lënë në plan të dytë gjithçka që ka ardhur në kuadër të marrëveshjes. Tash nuk mund të flasim me prioritet për asgjë tjetër, përpos ta zgjidhim situatën se çfarë ndodhi me 24 shtator dhe për t’i sjell kryesit e këtij akti terrorist para drejtësisë, për të kërkuar gjykim të drejtë për ta në mënyrë që t’i marrin dënimet e merituara”, thekson Kryeziu-Hyseni.
Ajo është kritike edhe ndaj përfaqësuesit të lartë për politikë të jashtme të BE-së, Josep Borrell dhe ndërmjetësit të dialogut, Miroslav Lajçak.
“(BE-ja)S’ka pasur qasje të barabartë asnjëherë. Gjithmonë Republika e Kosovës ka qenë e shtypur sa i përket qasjes së barabartë prej anës së përfaqësuesit për politikë të jashtme dhe sidomos ndërmjetësuesit të procesit zotëri Lajçak. Kemi pa se gjithmonë ka ekzistuar një anim nga Serbia dhe nga kërkesat që i ka pasur ajo, ndërkohë janë vendosur krejt padrejtësisht masa ndaj Kosovës. Unë besoj se këto masa do të duheshin të hiqeshin tanimë”, deklaron deputetja e mazhorancës.
Në anën tjetër, ajo duke folur për samitin e Procesit të Berlinit, që pritet të mbahet më 16 tetor në Tiranë, thotë se Kosova është për bashkëpunim rajonal.
“Ballkani i Hapur ka vdekur si ide për Shqipërinë dhe tashmë ata e kanë kthyer orientimin kah Procesi i Berlinit, i cili sigurisht ka qenë rruga dhe zgjidhja e vetme për integrimin e shteteve të Ballkanit Perëndimor brenda institucioneve të BE-së. Ne kemi qenë si shtet gjithmonë të përkushtuar që t’i përmbahemi Procesit të Berlinit. Sa do të jetë relevante të ndodhin marrëveshje pas sulmit terrorist, mendoj se ne do të kemi rastin të tregojmë se kemi qenë dhe jemi gjithmonë të gatshëm për bashkëpunim rajonal sepse ne duhet të bashkëpunojmë në mënyrë që t’i afrohemi Bashkimit Evropian”, përfundon deputetja Kryeziu-Hyseni./kp
![](https://gazetainfokus.com/wp-content/uploads/2024/07/Screenshot_7-3.jpg)
Të tjera
-
Situata me zjarret në Shqipëri, Ministria e Mbrojtjes: 5 vatra ende aktive
Situata me zjarret në Shqipëri vijon të jetë shqetësuese, teksa aktive janë e...
-
Hoti i quan kontradiktore matjet e Pulsit Publik: Dëshmojnë vetëm propagandën e Qeverisë
Deputeti i LDK’së, Avdullah hoti, ka reaguar pas publikimit të rezultateve të...
-
Kurti publikon pamje nga pritja që u bëri Macron në Pallatin Elysee, takohet me Scholz e liderë të tjerë
Kryeministri Albin Kurti ka publikuar pamje nga pritja që u ka bërë President...
-
“25% të kohës në të pame”, Kryeziu i kundërpërgjigjet Demit pas matjeve se si e kalon Kurti kohën
Anëtar i shoqërisë civile, Agron Demi, dje publikoi në profilin e tij një sta...
-
Zhduket një punëtor pakistanez në Kosovë
Një punëtor pakistanez është raportuar si i zhdukur në rrethana ende të paqar...
-
Selmanaj për Kurtin e VV-në: Shpallin tradhtarë këdo që mendon ndryshe
Deputeti i Kuvendit të Kosovës nga radhët e Lidhjes Demokratike, Driton Selma...
-
Policia konfiskon armë e fishekë në Zubin Potok e Zveçan
Policia e Kosovës ka konfiskuar armë pa leje dhe fishekë në veri të vendit, k...
-
Konfirmohen 19 raste të reja me COVID-19 në Kosovë
Instituti Kombëtar i Shëndetësisë Publike të Kosovës, përmes një njoftimi në ...
-
Osmani në Paris takon dukeshën e Luksemburgut
Presidentja Vjosa Osmani ka njoftuar se sot në mëngjes është takuar me Dukën ...
-
Hovenier: Mezi pres të bëj tifo për Kosovën në lojërat olimpike
Ambasadori is SHBA-së në Kosovë, Jeff Hovenier, tha se mezi po pres që ...
-
Abdixhiku: Beteja jonë nuk është shtypja e mediave, por e ardhmja e vendit
Kryetari i Lidhjes Demokratike të Kosovës, Lumir Abdixhiku, ka njoftuar se ka...
-
Në objektin e qeverisë vendosen emrat e 23 pjesëtarëve të Policisë së Kosovës të rënë në detyrë
Në objektin e Qeverisë së Kosovës dje janë vendosur emrat e 23 pjesëtarëve të...