Vushtrria 92 raste aktive me COVID-19
Autori: Gazeta inFokus 17:37 | 15 July 2020
92 raste aktive me COVID-19 janë në Komunën e Vushtrrisë, e që gjendja e tyre është stabile dhe shumica prej tyre janë duke u trajtuar në vetëizolim.
Drejtori i Shëndetësisë në Komunën e Vushtrrisë, Sylejman Meholli, thotë për KosovaPress se shumica e të prekurve me COIVD-19 në këtë komune janë në vetëizolim pasi që gjendja e tyre është stabile.
“Aktualisht në komunën e Vushtrrisë janë 92 raste aktive me COVID-19, të cilët shumica prej tyre janë në vetizolim, pra janë në kushte shtëpiake duke marr terapitë e trajtimit karshi protokolleve mjekësore të OBSH-së, IKSHPK-së dhe MSH-së. Gjendja shëndetësore e tyre në përgjithësi është stabile, rastet të cilat janë me shenja më të shprehura klinike dhe që kërkojnë një tretman më intensiv përfshirë edhe oksigjenoterapinë janë të shtrirë në Klinikën Infektive”, thotë ai.
Ditëve të fundit Komuna e Vushtrrisë ka shënuar numër më të vogël të rasteve krahasuar me javët e fundit të muajit qershor që kishte numrin më të madh të të prekurve me COVID-19.
Në rënie të numrit Meholli thotë se ka ndikuar vetëdijësimi i qytetarëve se duhet të mbahet maska, distanca dhe higjiena personale.
“Në dy tri javët e fundit, Komuna jonë është prej komunave të rralla në Republikën e Kosovës që trendin ose lakoren epidemike të rasteve me COVID-19 e ka në rënie e sipër. Pra, derisa para diku rreth tri javësh kemi pasur përmbi 200 raste aktive tashmë kemi vetëm edhe 92 raste aktive dhe presim akoma që të zvogëlohet numri i rasteve aktive. Sepse thash edhe më parë ka disa javë që numri i rasteve të shëruara është duke e mbizotëruar në vazhdimësi numrin e rasteve të reja dhe kjo ka bërë që të zvogëlohet numri i tërësishëm i rasteve aktive me COVID-19”, tha Meholli.
Meholli deklaroi se si Komunë janë duke iu qëndruar afër të gjithë pacientëve me COVID-19 e që janë në vetëizolim.
“Përmes Qendrës Kryesore të Mjekësisë Familjare, ekipeve tona të terrenit po e bëjmë të pamundurën që të jemi afër këtyre rasteve përmes vizitave dhe përmes kontakteve të rregullta telefonike që ekipet tona i marrin familjet e prekura dhe rastet e prekura me COVID-19 në lidhje me shqetësimet që ata kanë. Megjithatë akoma më shumë do të bëjmë përpjekje edhe në ditët e ardhshme që të forcojmë ekipet tona të terrenit në mënyrë që të jemi sa më afër tyre”, deklaroi ai.
Në Komunën e Vushtrrisë janë 92 raste aktive me COVID-19, ndërsa numri i përgjithshëm i të infektuarve është 414, të shëruar janë 313 raste dhe të vdekur janë 9 persona.
Të tjera
-
Alarm në Gjermani, një bom*ë 500 kilogramëshe gjendet në afër të “Mewa Arena”
Pavarësisht se Lufta e II Botërore është mbyllur në vitin 1945, nuk janë të p...
-
Djali i shoferit të Pal Lekajt i dehur god*t një këmbësore në Gjakovë, voziste pa patentë shofer
Numri i madh i aksidenteve në trafik po vazhdon të jetë shqetësues. Jo rrallë...
-
Burri nga Ferizaj largohet nga shtëpia me para, veturë dhe dokumente, gruaja e paraqet në polici
Një grua nga Ferizaj ka raportuar se burri i saj është larguar nga shtëpia dh...
-
Lajçak deklarohet për takimin e sotëm, thotë se ka paraqitur një ‘dokument kompromisi’ për dinarin
I Dërguari i Bashkimit Evropian për Dialogun Kosovë-Serbi, Miroslav Lajçak, k...
-
Fejohet analisti Astrit Gashi, me gazetaren e njohur
Analisti Astrit Gashi i ka dhënë fund beqarisë. Ai ka kurorëzuar dashurinë...
-
IS*S kërcënὁn Shqipërinë dhe Kosovën?
Video-propagandistike, publikuar në rrjetet sociale nga ISIS, ku në mesin e 6...
-
Kurti falënderon deputetët gjermanë për mbështetjen ndaj Kosovës
Kryeministri i Kosovës, Albin Kurti së bashku me zëvendësministrin e Punëve t...
-
Osmani pas suksesit të Distrisë: Jashtëzakonisht krenare, në Paris, më e fortë se kurrë
Presidentja e vendit, Vjosa Osmani, ka reaguar pasi Distria Krasniqi u shpall...
-
Azemi i LDK-së: Nëse zgjedhjet mbahen këtë të diel, fitojmë ne
Zyrtari i Lidhjes Demokratike të Kosovës, Visar Azemi, në një intervistë në F...
-
Përfundon takimi në Bruksel, Bislimi: Serbia kërkon që strukturat ilegale të financohen deri në krijimin e Asociacionit
Kryenegociatori i Kosovës, Besnik Bislimi, tha pas rundit të ri të dialogut, ...
-
Arrestohet i dyshuari që gjuäjti dhe vräu një person në rrugën “B” në Prishtinë
Policia ka njoftuar se kanë arrestuar personin e dyshuar i cili mbrëmë në orë...
-
Vdekja e dyshimtë e gruas në Spitalin e Vranjës, Kamberi: Mungesa e të punësuarëve shqiptarë, dëshmi e trajtimit të pabarabartë
Deputeti shqiptar në Parlamentin e Serbisë, Shaip Kamberi ka reaguar lidhur r...