Lajme

Vulin: Vetëm Serbisë i intereson gjetja e vrasësit të Ivanoviqit, Prishtina refuzoi

Autori: Gazeta inFokus 11:17 | 19 Janar 2018

Ministri i Mbrojtjes së Serbisë, Aleksandar Vulin thotë se refuzimi i Prishtinës për të përfshirë autoritetet serbe në hetimin e vrasjes së Oliver Ivanoviqit tregon se mosgatishmëria e Prishtinës për të gjetur vrasësit është e papranueshme.

Ai ka thënë për mediat serbe se vetëm Serbisë i intereson të gjej vrasësit e Ivanoviqit, i cili u qëllua të martën në mëngjes para selisë së partisë së tij në veri të Mitrovicës.

“Është e qartë se mungon gatishmëria, ekziston frika e zgjidhjes, e vetmja që kujdeset është Serbia, vetëm duam të dimë se kush është vrasësi, se si do të dënohet dhe do të rivendosë paqen në rajon”, tha ai.

-Advertisement-

Ivanoviq u varros dje në Beograd, ku morën pjesë shumë politikanë serb, por jo edhe presidenti i Serbisë, Aleksandar Vuçiq.