Lajme

Vulin: Kur Kurti i futi forcat speciale në veri, xhandarmaëria ishte gati për ndërhyrje nëse Vuçiq do të jepte urdhër

Autori: Gazeta inFokus 14:38 | 04 January 2022

Ministri i Punëve të Brendshme të Serbisë, Aleksander Vulin, ka thënë se xhandarmëria serbe ka qenë e gatshme të ndërhyjë në veri nëse presidenti i Serbisë Aleksander Vuçiq do të jepte urdhër.

Vulin ka komentuar aksionet e policisë speciale në veri.

“Ne po e mbikqyrim sigurinë në Kosovë dhe jemi të gatshëm të kujdesemi për çfarë ndodhë atje. Ne jemi gati të ndihmojmë siç është parë kur Kurti dërgoi njësitë speciale në veri dhe kur xhandarmëria jonë ishte gati të intervenojë nëse presidenti Vuçiq do të jepte urdhër”, ka thënë Vulin për Tanjug, transmeton Gazeta Express.

Vulin ka thënë se faktori ndërkombëtar do ta shtojë presionin këtë vit që Serbia ta njohë Kosovën.

“Si gjatë gjithë këtyre viteve, do të na kërkohet që ta njohim Kosovën dhe të mos përfaqësojmë interesat e komunitetit serb në asnjë mënyrë, nën shpjegimin e mosndërhyrjes në marrëdhëniet e brendshme, pavarësisht se ku kanë jetuar serbët”, ka thënë ai.

Të tjera