Lajme

Vuçiq shkon te Trump para vendimit final për Kosovën (Foto)

Autori: Gazeta inFokus 12:29 | 18 August 2017

Presidenti i Serbisë, Aleksandar Vuciq pritet ta zhvillojë një takim jashtëzakonisht të rëndësishëm, deri në fund të këtij viti, me presidentin e SHBA-ve, Donald Trump.

Siç raportojnë mediat serbe, temë kryesore e takimit do të jetë Kosova, të cilin e kanë quajtur jetik për qëndrimin serb rreth Kosovës, transmeton Indeksonline.

Blic.rs, shkruan se bisedimit “përfundimtar” për atë që Beogradi e konsideron “krahinë jugore të Serbisë”, do t’i paraprijë një tjetër muhabet i Vuciq me zëvendëspresidentin amerikan, Mike Pence, në shtator.

-Advertisement-

Kujtojmë se gjatë këtij muaji, në New York, mblidhet asambleja e përgjithshme e OKB-së, ku po ashtu, sipas burimeve diplomatike të Blic, temë qendrore mund të jetë Kosova.

Gjithmonë sipas gazetës, Vuciq pastaj do t’u kthehet takimeve në Bruksel për Kosovën, ndërsa në shtator do të shihet edhe me homologen e tij, presidenten kroate Kolinda Grabar – Kitaroviq.

Të gjitha këto lëvizje, siç raporton Blic, pritet të shkojnë në favor të ndryshimeve domethënëse kur bëhet fjalë për problemin e Kosovës, por edhe për zgjidhjen e krizës së përgjithshme në Ballkan.

“Presim që bashkësia ndërkombëtare të deklarohet më qartazi përsa i përket cështjes së stabilitetit të Ballkanit. E udhëheqësia jonë shtetërore do të inssitojë të bëhet më tepër presion te Prishtina, në mënyrë që të përmbush të gjitha marrëveshjet e pajtuara në Bruksel, e në radhe të parë të nis me realizimin e Asociacionit (Bashkësisë) së komunave serbe, ka thënë burimi i Blic.

E përditshmja këtë lajm “ekskluziv” e ka në ballinë të numrit të saj të sotëm. /Indeksonline/