Lajme

Vuçiq: Serbia dëshiron dialog dhe kompromis, por ka parimet e veta

Autori: Gazeta inFokus 11:43 | 29 January 2023

Presidenti serb Aleksandar Vuçiq theksoi se Serbia planifikon të tregojë se dëshiron dialog dhe kompromis, por se ka parimet dhe pritshmëritë e veta.

Duke përmbledhur javën e kaluar të punës, Vuçiq, përmes një postimi në Instagram, tha se paqja dhe jeta normale janë të nevojshme për të gjithë qytetarët serbë.

“Ne kemi nevojë për paqe, një jetë normale për të gjithë qytetarët, rritje dhe zhvillim të mëtejshëm të vendit dhe një të ardhme më të mirë për fëmijët tanë. Plani është të punojmë edhe më shumë përballë sfidave, të përpiqemi të jemi më të mirët, të tregojmë se Serbia dëshiron dialog dhe kompromis, por edhe që të ketë parimet dhe pritshmëritë e veta”, tha Vuçiq.

-Advertisement-

Ai theksoi se do të kërkojë shumë energji dhe unitet, shkruan Kosovo-online.

“Kjo është arsyeja pse unë do të vazhdoj të flas me të gjithë për gjithçka dhe të luftoj edhe më shumë për Serbinë. Ne do të kemi nevojë për shumë energji dhe shumë më tepër unitet, por do ta shpëtojmë njerëzit dhe vendin do ta shtyjmë përpara, sepse kjo është e vetmja rrugë”, tha Vuçiq.

Subscribe në YouTube: GAZETA INFOKUSI
BKT Kosova hap degën më te re në qytetin e Suharekës
-Advertisement-

Të tjera

Fokusi

lajme