Lajme

“Vuçiq po ia mundëson Rusisë rekrutimin e mercenarëve serbë”

Autori: Gazeta inFokus 18:02 | 27 August 2023

“Presidenti i Serbisë, Aleksandar Vuçiq po ia mundëson Rusisë që të rekrutojë mercenarë nga Serbia me qëllim që t’i vrasin ukrainasit”.

Kështu u shpreh avokati nga Beogradi, Çedomir Stojkoviq në platformën X,  duke shtuar se deri më tani qindra serbë, nga Serbia dhe Republika Srpska në Bosnjë, janë bërë pjesë e njësive ushtarake ruse.

Stojkoviq pohon se Agjencia serbe për Siguri dhe Informacion (BIA) po e inkurajon rekrutimin krah forcave të Kremlinit.

-Advertisement-

“BIA për detyrë e ka ta parandalojë rekrutimin për Ushtrinë ruse, si përmes veprimeve kundërzbuluese ashtu edhe veprimeve kriminale-operative. Por nuk e pengon, në të kundërtën, ajo me sjelljen e saj po e inkurajon këtë. Kreu i BIA-s është Aleksandar Vulin, bashkëpunëtori më i ngushtë i Aleksandar Vuçiqit dhe ekzekutuesi besnik i tij”, theksoi ai.

Sipas avokatit, Vuçiq së bashku me kreun e serbëve në Bosnjë, Milorad Dodik po i inkurajojnë serbët e Republika Srpskas që të rekrutohen përkrah ushtrisë ruse.

“Aleksandar Vuçiq e fton Milorad Dodikun në të gjitha ngjarjet politike, siç është përurimi i stadiumit në Leskovc dhe ai inkurajon serbët nga Republika Srpska që të rekrutohen në Ushtrinë ruse për të vrarë ukrainasit në tokën e tyre”, shtoi ai.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme