Lajme

Vuçiq për targat: Stano konfirmoi se kemi të drejtë, nuk ka afate kohore

Autori: Gazeta inFokus 18:31 | 31 March 2023

Presidenti serb Aleksandar Vuçiq gjatë vizitës së tij në Novi Pazar tha se, pas deklaratës së zëdhënësit të BE-së, Peter Stano, se marrëveshja për targat e datës 23 nëntor të vitit të kaluar nuk ka kufizime dhe afate kohore, është e qartë se Serbia nuk është pajtuar për asgjë, shkruan Danas.

Duke iu përgjigjur pyetjes nëse targat KM mbeten në veri të Kosovës, Vuçiq tha se Stano ka konfirmuar se “kemi të drejtë”.

“A është në gjendje BE-ja ta bindë Kurtin ta bëjë këtë apo jo? A është faji im që në Jarinje dhe Bërnjak u ngrit ajo që disa e quajnë pikë kufitare dhe të tjerë pikëkalim administrativ? Jo, më në fund e vendosën në vitin 2011, dhe po, nuk po e përmend atë që ka ndodhur në 2008, 2009 dhe 2010”, tha Vuçiq.Ai ka thënë se “do të luftojë dhe do të bëjë gjithçka për t’i ndihmuar popullit serb në Kosovë”, i cili , sipas tij, “është duke duke përjetuar një presione nga autoritetet në Prishtinë, të cilët nuk duan të zbatojnë asgjë për të cilën është rënë dakord”.

-Advertisement-

Kujtojmë se zëdhënësi i Shërbimit të Jashtëm të BE-së, Peter Stano, i pyetur nga N1 për marrëveshjen mes dy palëve për targa, e cila u raportua se skadon në mesnatën e sotme, tha se marrëveshja ndërmjet Beogradit dhe Prishtinës më 23 nëntor, nuk ka asnjë afat të caktuar, e as datë skadimi.

Subscribe në YouTube: GAZETA INFOKUSI

Të tjera

Fokusi

lajme