Lajme

Vuçiq: Nuk ka njohje të Kosovës në kufijtë aktual

Autori: Gazeta inFokus 09:11 | 22 October 2019

Presidenti i Serbisë, Aleksandar Vuçiq ka përjashtuar mundësinë që Beogradi ta njohë Kosovën si shtet në kufijtë ekzistues.

Gjatë një interviste me të përditshmen austriake “Standard”, Vuçiq ka thënë se është pak e besueshme që Serbia ta njohë Kosovën, edhe pse nga SHBA ka dëgjuar se BE-ja ka ndryshuar qëndrimin dhe se nga Beogradi mund të kërkohet njohja, transmeton lajmi.net.

I pyetur nëse Serbia do ta njohë ndonjëherë Kosovën si anëtare të barabartë të bashkësisë ndërkombëtare, Vuçiq ka thënë se kjo është një pyetje e vështirë për serbët.

-Advertisement-

“Dëshirojmë të shohim se çfarë ata (negociatorët e Prishtinës) thonë dhe pse e thonë. Sigurisht, dëshirojmë të dëgjojmë edhe atë se çfarë ka për të thënë BE-ja. Deri tani BE-ja nuk ka parashtruar asnjë kusht për Serbinë”, tha Vuçiq.

“Megjithatë, ne nga amerikanët kemi dëgjuar se shumëçka është ndryshuar por dëshirojmë ta dëgjojmë nga partnerët tanë evropianë. Nuk mund ta përjashtoj mundësinë se BE-ja do të kërkojë njohje, por nuk e ka bërë një gjë të tillë deri sot”, shtoi ai, transmeton lajmi.net.

Vuçiq ka thënë se ideja e BE-së ishte modeli i marrëveshjes së dy Gjermanive, pa njohje formale nga ana e Beogradit që sipas tij do të ishte më e thjeshtë për Serbinë.

I pyetur nëse vjen deri te njohja e Kosovës nga ana e Serbisë në kufijte ekzistues, Vuçiq tha: “Mund t’ju them se këtë e përjashtoj në mënyrë absolute”.

Subscribe në YouTube: GAZETA INFOKUSI

Të tjera

Fokusi

lajme