Lajme

Vuçiq i kundërpërgjigjet Kurtit: Ai po i zgjidh problemet tona të brendshme, ai flet se kush duhet të jetë në pushtet këtu

Autori: Gazeta inFokus 11:57 | 21 February 2021

Presidenti i Serbisë, Aleksandar Vuçiq, ka thënë se Beogradi e di se cilat janë interesat e veta shtetërore dhe se do të vazhdojnë të luftojnë për popullin e vet dhe të drejtat që iu takojnë pa marrë parasysh situatën, kështu deklaroi ai kur u pyet se a ka presione nga Prishtina dhe nga Washingtoni për një platformë të re për vazhdimin e dialogut.

Vuçiq, në një konferencë për media me rastin e pranimit të kontingjentit të dozave të vaksinave nga kompania AstraZeneca, ka theksuar Albin Kurti, kryetari i Lëvizjes Vetëvendosje është duke treguar se kush duhet të jetë në pushtet në Serbi, transmeton Klan Kosova.

“Nuk keni përgjigje adekuate, e shoh se edhe problemet e brendshme po na i zgjidh Albin Kurti, i cili po flet për atë se si duhet Serbia të duket dhe kush do të duhej të ishte në pushtet. Ndaleni e heshtni, leni të gjithë të flasin, të gjitha janë të fortë e të mençur. Ne do t’i lëmë, le ta bëjnë ata punën e tyre, e ne tonën”, u ka thënë Vuçiq, gazetarëve në aeroport, shkruan Tanjug.

Të tjera

Fokusi

lajme