Lajme

Vuçiq: Eichhorst s’është autorja e “non-paper”-it, e kam një frikë tjetër

Autori: Gazeta inFokus 13:43 | 29 April 2021

Presidenti i Serbisë, Aleksandar Vuçiq, deklaroi sot se nuk mund ta konfirmojë se autorja e “non-paper“-it së fundit është drejtoresha ekzekutive e Shërbimit Evropian të Veprimit të Jashtëm (EEAS) për Evropën dhe Azinë, Angelina Eichhorst, sepse tha se është i bindur se ajo nuk e ka shkruar atë, raporton Tanjug, transmeton Gazeta Express.

“Nuk mund ta konfirmoj atë, sepse nuk mendoj kështu. Kjo nuk më duket si Angelina Eichhorst dhe jam i bindur që ajo nuk e bëri këtë”, tha Vuçiq.

Mediat këto ditë kanë spekuluar se kush mund të jetë autori i “non-paper”-it që Koha Ditore e publikoi si një propozim gjermano-francez.

-Advertisement-

Vuçiç theksoi se Beogradi po e analizon me kujdes “non-paper”-in, por që ai nuk mund të flasë për detajet, duke shtuar se ka frikë se botimi i saj është “një strategji e qëllimshme e disave që janë më afër Prishtinës”.

Kur u pyet se cilat përfundime u arritën nga analiza e “non-paper”-it dhe se çfarë është e pranueshme për Serbinë, duke marrë parasysh deklaratën e tij se disa pjesë janë më të mira dhe më të pranueshme se plani i Ahtisaarit, Vuçiq tha se pjesët janë më të pranueshme se plani i Ahtisaarit, por kjo nuk do të thotë se zgjidhja është e mirë.

“E gjitha është e komplikuar, por unë nuk do të flisja për këtë tani, sepse kam disa frikë shtesë që nuk do të doja t’i bëja publike… Kam frikë se botimi i “non-paper”-it ishte një strategji e qëllimshme në disa qarqe që janë më afër pikëpamjeve të Prishtinës sesa Beogradit, në kuptimin taktik”, tha Vuçiq.

Ai shtoi se nuk është nga ata që do të betohen dhe flasin keq për idetë dhe dokumentet, derisa ta studiojë atë mirë.

“Ne duhet të jemi të qetë, të zgjuar, të përgjegjshëm dhe të mos godasim njëri-tjetrin në gjoks, por t’i sigurojmë vendit paqe, stabilitet për njerëzit tanë në Kosovë dhe Metohi dhe të shohim se si të mbrojmë interesat jetikë kombëtar”, tha Vuçiq.

Ai shtoi se nuk mund t’i zbulonte detajet e analizës për publikun.

“Kjo do të zbulonte një pjesë të hartave tona dhe ato që pritet të vijnë në dialog”, tha ai.

Holandezja Angelina Eichhorst pretendohet se e ka shkruar të ashtuquajtur “non-paper” për zgjidhjen e problemeve midis Kosovës dhe Serbisë, raportoi sot gazeta serbe e afërt me presidentin e Serbisë, Aleksandar Vuçiq, “Kurir“, e cila tha se këtë ia kanë konfirmuar disa burime në qarqet diplomatike.

Subscribe në YouTube: GAZETA INFOKUSI
TEB sjellë edhe kartelën prestigjioze VISA Infinite

Të tjera