Lajme

Vuçiq: “Ballkani i Hapur” nuk ndalet dot, të mirëseardhur përfaqësuesit e Prishtinës

Autori: Gazeta inFokus 11:00 | 08 Qershor 2022

Presidenti i Serbisë, Aleksandar Vuçiq ka thënë se nisma rajonale “Ballkani i Hapur” nuk do të ndalet pavarësisht kundërshtimeve dhe hezitimeve nga disa shtete të Ballkanit Perëndimor.

Duke folur në ditën e dytë të Samitit të Ballkanit të Hapur në Ohër, Vuçiq u shpreh se në iniciativë janë të mirëseardhur të bashkohen edhe Mali i Zi, Bosnjë e Hercegovina dhe Kosova.

Ai ftoi përfaqësuesit e këtyre tri shteteve të që të jenë prezentë në samitin e radhës të “Ballkanit të Hapur”.

-Advertisement-

“Kjo është diçka që nuk mund të ndalet. Siç tha Dimitari, të gjithë të tjerët janë të mirëseardhur. Prandaj, është me rëndësi ta them që të formojmë grupet punuese menjëherë në takimin e ardhshëm, i cili propozoj që të mbahet në Serbinë Jugore dhe nëse duan të marrin pjesë edhe përfaqësuesit e Malit të Zi, Bosnjë e Hercegovinës, Prishtinës etj”, tha Vuçiq.

Në nismën “Ballkani i Hapur” marrin pjesë tri vende të Ballkanit Perëndimor: Shqipëria, Serbia dhe Maqedonia e Veriut – jashtë saj janë ende: Kosova, Mali i Zi dhe Bosnjë e Hercegovina. Megjithatë, në Ohër, në cilësinë e vëzhguesve po marrin pjesë përfaqësuesit e Malit të Zi dhe Bosnjë e Hercegovinës.

Ndërkaq, nikoqiri i takimit në Ohër, kryeministri maqedonas, Dimitar Kovaçevski, tha se “në çdo takim të ri të nismëtarëve dhe miqve të ‘Ballkanit të Hapur’, ne ofrojmë bashkëpunim më të fortë, komunikim më të lehtë dhe kushte më të mira për zhvillim ekonomik”.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy