Lajme

Vrau një, plagosi tetë të tjerë – të gjithë myslimanë, sulmuesi “dhuron puthje” pas arrestimit (Video)

Autori: Gazeta inFokus 10:42 | 19 June 2017

Policia britanike ka arrestuar një 48 vjeçar me dyshimin për vrasje në tentativë pas mizorisë së terrorit në Londrën e Veriut nga i cili sulm mbetën një i vrarë dhe tetë të plagosur.

Në një video të publikuar në rrjetet sociale, i dyshuari shihet duke “dhuruar” puthje drejt kamerës, derisa ishte brenda furgonit të policisë, shkruajnë mediat e huaja, përcjell Telegrafi.

-Advertisement-

Thuhet se kanë qenë të sulmuarit ata që kanë kapur sulmuesin, derisa kishte mbërritur policia.

Policia konfirmoi se incidenti është duke u trajtuar si një sulm terrorist pasi një furgon ka sulmuar një grup njerëzish të cilët po largoheshin nga lutjet e Ramazanit, pranë xhamisë së Finsbury Park, pak pas mesnatës.

Policët, të cilët arritën në vendngjarje brenda 10 minutash, thanë se të gjitha viktimat e sulmit ishin myslimanë.

Gjithashtu shtohet se asnjë i dyshuar tjetër nuk është raportuar ose identifikuar, dhe nuk ka pasur armë në furgon. /Telegrafi/

Subscribe në YouTube: GAZETA INFOKUSI