Fokus

Vrasja në Prizren: Edhe pse vet ishte Ministre e Drejtësisë, Hoxha thotë që është koha e fundit që institucionet të marrin masa

Autori: Halil Berisha 15:49 | 07 August 2019

Një vrasje sot tronditi Prizrenin.

Burri vrau gruan e tij me 15 plumba, shkruan gazeta inFokus.

E ndjera ishte nëna e këshilltarës së kryeministrit në largim, Ramush Haradinaj, Diellza Hotit.

E për këtë ngjarje ka reaguar edhe Dhurata Hoxha, Ministrja e Integrimeve Evropiane.

“Mbrëmë, edhe një grua u vra nga bashkëshorti i saj. Ngritja dorë kundër gruas, kurrë as ka qenë, as është as do të jetë trimëri. Pikëllim, tronditje. Ngushëllime për familjarët dhe të gjithë ata që këtë krim e përjetojnë si trishtues!”

Por, Hoxha, ka bërë edhe një lutje, për institucionet përgjegjëse.

“Është koha e fundit që institucionet përgjegjëse të marrin masa që kjo dukuri e tmerrshme të mos përsëritet!”


Mirëpo, Hoxha, vet ishte pjesë e shumë institucioneve që tash po u bën thirrje për më shumë punë.

Nga tetori i vitit 2008 deri në mars të vitit 2011, ishte këshilltare e Ministrit të Punëve të Brendshme, shkruan gazeta inFokus.

Një kohë ishte këshilltare politike e kryetarit të Kuvendit të Kosovës, ndërsa pozitën e këshilltarit të kryeministrit e mbajti prej marsit 2011 deri në dhjetor të vitit 2015.

E para ministres së integrimeve evropiane, Dhurata Hoxha, ka mbajtur postin e ministres së drejtësisë./Gazeta inFokus/

Të tjera