Vrasja e Marigona Krasniqit, avokati: Ka pasur kamera edhe brenda, pamjet i ka prokuroria – aktakuza është në përfundim
Autori: Gazeta inFokus 12:07 | 08 June 2022
Gazmend Rexhepi, avokati i familjes së të ndjerës Marigona Osmani, deklaron për Gazetën Express se aktakuza për vrasjen e Marigonës është në përfundim dhe se kamera ka pasur edhe brenda banesës ku ndaj viktimës ishte ushtruar dhunë psikike e fizike. Sipas informatave që posedon avokati, Prokuroria i ka të gjitha xhirimet dhe i ka shqyrtuar edhe pamjet e kamerave.
Dardan Krivaqa dhe Arbër Sejdiu ndodhen në paraburgim si të dyshuar për vrasjen e vajzës 18 vjeçe, Marigona Osmani nga Ferizaj. Të dyve, më 16 maj, Gjykata Themelore në Ferizaj ua ka vazhduar masën e paraburgimit edhe për dy muaj të tjerë.
Në një bisedë për Gazetën Express, mbrojtja e familjes Osmani, Gazmend Rexhepi, deklaron se prokuroria posedon pamjet edhe brenda banesës ku e ndjera dyshohet se u rrah për vdekje.
“Aktakuza ende nuk është ngritur derisa janë shqyrtuar edhe kamerat sepse Prokuroria në bazë të informatave që i kam i ka marrë edhe kamerat brenda, që ka pasur edhe kamera brenda. Edhe të gjitha ato xhirime i ka Prokuroria. Në bazë të informatave është në përfundim aktakuza”, tha Rexhepi për Gazetën Express.
Marigona Osmani u vra mizorisht, duke u keqtrajtuar dy ditë rresht. Në banesën ku ndodhi krimi, policia kishte sekuestruar gjësende, por armë zjarri nuk kishte gjetur, kishte konfirmuar prokuroria për Gazetën Express.
Me 21 gusht 2021 policia informoi se 18-vjeçarja Marigona Osmani, u soll pa shenja jete nga dy persona të panjohur në Emergjencën e Ferizajt. Menjëherë hetimet u intensifikuan dhe rezultuan me të arrestuarin e parë Arbër Sejdiu, 32-vjeç., me vendbanim të përkohshëm në Zvicër. Ndërsa, pas dy ditësh në arrati u prangos edhe 29-vjeçari Dardan Krivaqa, ish-partneri i viktimës 18-vjeçe.
Dardan Krivaqa e Arbër Sejdiu ishin emra të njohur për policinë dhe prokurorinë. Kjo e fundit konfirmoi se Dardan Krivaqa ishte recidivist i veprave të ndryshme penale.
Në njoftimin e Gjykatës Themelore të Ferizajt për caktimin e masës së paraburgimit ndaj Krivaqës u tha: “I pandehuri më 22 gusht 2021, në Ferizaj, në banesën e tij me dashje, në mënyrë mizore për motive të ulëta, një natë përpara, ka ushtruar fillimisht dhunën psikike, pastaj edhe dhunë fizike, e cila ka vazhduar edhe ditën kritike, derisa e ndjera ka ndërruar jetë, ndërsa i pandehuri A.S. gjatë gjithë kohës ka qenë i pranishëm, në vendin e ngjarjes, e i cili edhe ka marr pjesë në ushtrimin e dhunës fizike dhe psikike, me këtë ka kontribuar në mënyrë të drejtpërdrejtë në kryerjen e veprës penale, gjegjësisht vdekjen e të ndjerës, dhe më pas të njëjtën e dërgojnë dhe e lënë në spitalin e përgjithshëm në Ferizaj, pa shenja jete, ndërsa dy të pandehurit ikin në drejtim të panjohur”, ka njoftuar gjykata.
Sipas Prokurorisë Themelore të Ferizajt, të dyshuarit në bashkëkryerje kanë kryer veprën penale “Vrasje e rëndë”.
E ndjera, para vrasjes dyshohet se kishte përjetuar dhunë fizike e psikike sistematike.
Këshilltarja në Ministrinë e Drejtësisë, Nazlie Balaj, kishte thënë se në rastin e 18-vjeçares kemi të bëjmë me politraumë.
“Sipas informatave që i kemi ne si Ministri e Drejtësisë në të cilën është edhe Instituti i Mjekësisë Ligjore rasti i Marigonës është rast politraumë ku për dy ditë radhazi, sipas gjithmonë informacioneve, është ushtruar dhunë dhe që e ndjera ka vdekur 24 orë përpara para se të dërgohej nga të dy të dyshuarit në spitalin e Ferizajt”, ishte shprehur Balaj./Gazeta Express/
Të tjera
-
Vasfije Krasniqi: Çdo ditë e kujtoj tmęrrin që më ndodhi nga forcat serbe
Vasfije Krasniqi Goodman është kthyer në një grua simbol dhe heroinë për shum...
-
Ngjarjet e datës 24 prill
UBT organizon Konferencën Ndërkombëtare “Building Sustainable IoT Ecosystems”...
-
Kurti flet për telefonatën me Macron, shpreson se Franca do ta mbështes anëtarësimin në KiE pa Asociacionin
Kryeministri i vendit Albin Kurti në një bisedë telefonike të zhvilluar me pr...
-
Dita e Turqve, Konjufca: Ky komunitet shtetin tonë e përjeton si të vetin
Kryetari i kuvendit, Glauk Konjufca, në organizimin për nder të Ditës Kombëta...
-
Kurti në Panairin e Hanoverit, e quan historike pjesëmarrjen e parë të Kosovës
Kryeministri i Kosovës, Albin Kurti, ka vizituar Panairin e Hanoverit “20...
-
Pasuria e Vjosa Osmanit – Baton Haxhiu: Ajo e Prindoni duan të ikim në Australi
Gazetari Baton Haxhiu teksa po diskutonte pasurinë e presidentes Osmani në Pr...
-
Gjuajtje me ąrmë zjąrri në Hajvali, policia jep detaje
Gjuajtje me armë zjarri janë raportuar të kenë ndodhur sot rreth orës 17:00 ...
-
Abdixhiku për raportin e DASH: Dëshmi e shqetësimeve të LDK-së
Kryetari i Lidhjes Demokratike të Kosovës, Lumir Abdixhiku raportin e Depart...
-
Kroacia mbështet hyrjen e Kosovës dhe Shqipërisë në BE
Kroacia mbështet hyrjen e Kosovës dhe Shqipërisë në Bashkimin Evropian. Kë...
-
Për fjalimin në KS të OKB “Nënat e Srebrenicës” e falënderojnë Osmanin: Do të mbahet mend
Organizata “Nënat e Srebrenicës” me bazë në Bosnje e ka falënderuar president...
-
Nagavci mirëpret vendimin për pezullimin nga puna të Xhevat Krasniqit
Ministrja e Arsimit, Arbërie Negavci, ka reaguar pasi profesori Xhevat Krasni...
-
Macron telefonon Kurtin, bën thirrje për zbatimin e marrëveshjeve ndërsa anëtarësimin në KiE e lidh me Asociacionin
Kryeministri i Kosovës, Albin Kurti ka pranuar një telefonatë nga Presidenti ...