Vrasësi që fitoi simpatinë e publikut në Kinë vdes pas një jave në arrati (fotot)
Autori: Gazeta inFokus 10:18 | 20 October 2021
Një i dyshuar për vrasje që fitoi simpati të gjerë të publikut në Kinë, është gjetur i vdekur pas gati një jave në arrati, duke shkaktuar një vërshim ndjenjash trishtimi në rrjetet sociale.
Ou Jinzhong, i akuzuar për vrasjen e dy fqinjëve dhe plagosjen e tre të tjerëve në provincën jugore të Fujian, ka vrarë veten mbrëmë teksa i rezistonte arrestimit, njoftoi policia e qytetit Putian në një deklaratë.
Ou u dërgua në spital ku humbi jetën megjithë përpjekjet e shpëtimit.
Gjatë javës që shkoi, qindra policë e zyrtarë të tjerë po kërkonin të dyshuarin nëpër kodra e pyje pas dyshimeve se kishte sulmuar fqinjët e tij në fshatin bregdetar të Putian.
Policia dhe forcat paraushtarake qytetare e zbuluan atë pasditen e djeshme në një shpellë dhe e kishin rrethuar.
Police tha se 55 vjeçari Ou, kishte sulmuar fqinjët e tij me thikë pas nje debati të vjetër toke, duke vrarë një burrë 78-vjeçar dhe nusen e djalit të tij. Gruaja e viktimës, nipi 34-vjecar dhe një fëmijë 9-vjeçar u plagosën në incident.
Gjuetia për fajtorin kishte gozhduar para televizionit miliona njerëz në Kinë, por shumë prej tyre shpresonin që ai të mos kapej kurrë.
Ky nivel simpatie e mbështetjeje është i pazakontë në Kinë për dikë të akuzuar si vrasës, krim qe në vend dënohet me vdekje.
Mediat kienze në mungesë të informacienve zyrtare dhe duke parë “urinë” e audiencave për zhvillime, kishin krijuar versione të ndryshme jo-zyrtare të ngjarjeve që çuan në incident.
Shumë besojnë se Ou është një burrë i zakonshëm që është shtyrë në dëshpërim nga konflikti disa vjeçar për banesën.
Simpatia për të u rrit kur u publikua se ai kishte shpëtuar një djalë të vogël nga mbytja tre dekada më parë, dhe se kishte shpëtuar dhe dy delfinë të ngecur në cekëtirë në vitin 2008.
Për rreth pesë vjet Ou dhe familja e tij – përfshi dhe nënën 89-vjeçare – nuk kishin pasur shtëpi, por jetonin në një kasolle të improvizuar të qytetit bregdetar Putian.
Sipas raportimeve Ou ishte parandaluar disa herë të ndërtonte shtëpinë e tij prej konfliktit për tokën me fqinjin. Ai kishte kërkuar disa ndihmë nga autoritetet, nga policia dhe këshili i fshatit, por problemi kishte mbetur i pazgjidhur.
Një zyrtar tha për mediat se autoritetet ishin përpjekur të ndërmjetësonin konfliktin, por pa sukses.
Shumë komentues bënin me faj për transformimin e Ou nga shpëtimtar në të dyshuar për vrasje, te hallet e krijuara prej qeverisjes lokale, abuzimi i pushtetit dhe korrupsioni.
Teksa vrasësi merrte gjithnjë e më shumë vëmendje publike llogaria e Ou në rrjetin kryesor social vendas Weibo u zhduk dhe qeveria e Pinghai ofroi shpërblim për kapjen e tij.
Por mbrëmë erdhi lajmi i trishtë për vdekjen e të kërkuarit.
“Ai nuk ka gëzuar mbrojtjen nga ligji në jetën e tij”, thuhej në kmentin më të lexuar në rrjetin Ëeibo. “Ky është lajmi më i trishtë që kam dëgjuar ndonjëherë,” shkruante një tjetër.
Të tjera
-
Vëllai rrah vëllanë në Lipjan, arrestohet
Është arrestuar një burrë në Lipjan pasi që i njëjti dyshohet se e ka sulmuar...
-
Kosova në hall me para të rrejshme: 2’shi dhe 50’shja, më të falsifikuarat
Veç qytetarëve e policisë, telashe iu sollën edhe bankave komerciale. Dhje...
-
Në këto vende do të ketë sot ndërprerje të rrymës
KEDS ka njoftuar se sot do të kryhen punime të domosdoshme në sistem dhe për ...
-
Deklarimet e Vuçiqit për luftë, Butikofer reagon ashpër ndaj Borrellit e Lajçakut
Presidenti serb, Aleksandar Vuçiq ka paralajmëruar të dielën Perëndimin se at...
-
Java e Gruas – sot mbahet konferenca “Udhëhiq me gjithëpërfshirje: Ndërthurja e politikës me ekonominë”
Sot do të mbahet konferenca me temën “Udhëhiq me gjithëpërfshirje: Ndërthurja...
-
Gjykatësi: Michael Cohen, Stormy Daniels mund të dëshmojnë në gjyqin ndaj ish-presidentit Trump
Një gjykatës hodhi poshtë të hënën një kërkesë të ish-presidentit Donald Trum...
-
Zyrtari amerikan vjen në Kosovë, do të takohet me Osmanin
Ndihmëssekretari amerikan për Byronë Ndërkombëtare të Narkotikëve dhe Çështje...
-
Vazhdon gjykimi në Hagë ndaj ish-krerëve të UÇK-së
Në Dhomat e Specializuara të Kosovës në Hagë sot do të vazhdojë procesi gjyqë...
-
Çështja e dinarit, sot në Bruksel takohen Bislimi e Petkoviq
Zëvendëskryeministri i Kosovës, Besnik Bislimi dhe kryenegociatori i Serbisë,...
-
Ngjarjet për sot
Disa nga ngjarjet që pritet të zhvillohen sot në Kosovë. Vazhdon procesi g...
-
Moti me vranësira dhe me shi
Për sot në Kosovë parashikohet të mbajë mot kryesisht i vranët ku pritet të k...
-
Premtimi i Abelard Tahirit: Nëse Kurti edhe një herë bëhet kryeministër, unë e lë mandatin e deputetit
Shefi i Grupit Parlamentar të PDK-së, Abelard Tahiri, tha se do ta lë mandati...