Lajme

Voziti 111 km/h aty ku lejohej shpejtësia deri në 50 km/h, policia dënon 23 vjeçarin në Ferizaj

Autori: Gazeta inFokus 18:49 | 30 July 2022

Policia e Kosovës i ka shqiptuar sot një gjobë prej 500 eurosh një të riu në Ferizaj, pasi që ky i fundit nuk i është përmbajtur rregullave të trafikut, shkruan Gazeta Infokus.

Sipas policisë, rreth orës 16:00 është ndaluar një person pasi që në zonën ku nuk lejohej shpejtësia mbi 50 km/h, ai kishte vozitur 111 km/h.

“Në lidhje me këtë policia, ndaj shoferit me inicialet Q.J (M/K) i moshës 23 vjeçar i shqiptoi një gjobë, sipas ligjit të komunikacionit rrugor, 500 euro , 5 pikë negative dhe një (1) vit masë mbrojtëse ( heqje e patentë shoferit). Ai në tërësi e pranoi kundërvatjen e shkaktuar”, thuhet në njoftimin e policisë.

Policia e Kosovës u ka bërë thirrje qytetarëve që të respektojnë shpejtësinë e kufizuar të lëvizjes./Gazeta Infokus/

Të tjera