Lajme

Voziti 110 km/h aty ku lejohej vetëm deri në 40 km/h, policia gjobit vozitësin

Autori: Gazeta inFokus 15:10 | 05 August 2022

Një person është gjobitur nga Policia e Kosovës në rrugën nacionale Mitrovicë-Prishtinë përkatësisht në segmentin rrugor në Vushtrri, pasi që nuk kishte respektuar rregullat e trafikut, shkruan Gazeta Infokus.

Në zonën ku shpjetësia maksimale lejohej deri në 40 km/h, ai kishte vozitur në 110 km/h.

“Në orët e mesditës së sotme, Njësia Rajonale e Trafikut në kuadër të Drejtorisë Rajonale të Policisë në Mitrovicën e Jugut, gjatë kontrollit të trafikut rrugor në rrugën nacionale Mitrovicë-Prishtinë përkatësisht në segmentin rrugor në Vushtrri, gjatë matjes së shpejtësisë me radar ka identifikuar një veturë e cila ishte duke zhvilluar shpejtësi prej 110 km/h në zonën urbane ku kufizimi i shpejtësisë është 40 km/h”, thuhet në njoftimin e policisë.

-Advertisement-

Policia ka njoftuar se ndaj drejtuesit të automjetit është shqiptuar gjoba prej 300 euro si dhe masa mbrojtëse ndalimi i drejtimit të mjetit me veprim motorik për tre muaj.

“Ndaj kundërvajtësit drejtuesit të automjetit është shqiptuar gjoba prej 300 euro si dhe masa mbrojtëse- ndalimi i drejtimit të mjetit me veprim motorik për tre (3) muaj.
Masat ndëshkimore do të vazhdojnë të merren ndaj të gjithë kundërvajtësve të cilët nuk respektojnë rregullat në trafik dhe rrezikojnë sigurinë e pjesëmarrësve në trafikun rrugor”, thuhet në njoftim./Gazeta Infokus/

Subscribe në YouTube: GAZETA INFOKUSI

Të tjera

Fokusi

lajme