Lajme

Voton kandidati i VV-së për kryetar të Podujevës, Shpejtim Bulliqi, fton qytetarët të dalin sa më shumë në zgjedhje

Autori: Gazeta inFokus 11:28 | 29 November 2020

Kandidati për kryetar të Komunës së Podujevës, nga Lëvizja Vetëvendosje, Shpejtim Bulliqi ka votuar rreth orës 11:00, në qendrën e votimit në fshatin Llugë, shkolla “Ilir Konushevci”.

Atë e shoqëronte bashkëshortja e tij gjatë procesit të votimit.

“Bashkë me bashkëshorten time e kryem obligimin qytetar. I ftoj të gjithë qytetarët që të dalin në mënyrë masive në zgjedhje, ta shfrytëzojnë të drejtën dhe të votojnë për të ardhmen e tyre. Sot të gjithë qytetarët janë të barabartë dhe u bëj apel që ta shfrytëzojnë këtë të drejtë”, ka thënë Bulliqi.

-Advertisement-

Ai i ka ftuar të gjithë qytetarët, menaxherët e shkollave, komisionerët e vëzhguesit e zgjedhjeve ta bëjnë punën e tyre me korrektësinë më të madhe.

“Shpresojmë që në fund do të dal më i miri nga këto zgjedhje”, ka thënë ai.

Bulliqi aktualisht është deputet i VV-së ndërsa në legjislaturën e kaluar ishte deputet i LDK-së.

Subscribe në YouTube: GAZETA INFOKUSI

Të tjera

Fokusi

lajme