Lajme

Voton Isa Mustafa, ky është mesazhi i tij për qytetarët

Autori: Gazeta inFokus 09:52 | 22 October 2017

Ish-kryeministri i Kosovës, njëherësh kryetari i Lidhjes Demokratike të Kosovës, Isa Mustafa ka kryer obligimin e tij, duke votuar në shkollën “Emin Duraku” në Prishtinë së bashku me gruan e tij.

Pas votimit, Mustafa ka ftuar gjithë qytetarët të dalin në votim. Ai shpreson se qytetarët me këtë votë do të ndihmojnë në demokratizim dhe në zhvillim të vendit.

“Sot është një ditë mjaft e rëndësishme për Kosovën është ditë kur qytetarët vendosin për qeverisje lokale. Shpresoj që qytetarët të zgjedhin më të mirët në mënyrë që ta forcojmë qeverisje lokale, ta forcojmë demokracinë në vend. Është në vullnetin e qytetarëve që ata me votën e tyre të ndihmojnë në demokratizimin e vendit dhe të zhvillimit të tij. Urojë të gjithë qytetarët të dalin dhe të japin votën e tyre, për ata që e meritojnë votën e tyre.

-Advertisement-