Lajme

Votat me postë: LDK ngushton diferencën me VV-në në këtë komunë

Autori: Gazeta inFokus 13:44 | 03 Mars 2025

Komisioni Qendror i Zgjedhjeve (KQZ) ka përpunuar rreth 66% të votave të ardhura me postë. Sipas rezultateve të deritanishme, Lëvizja Vetëvendosje (LVV) kryeson me 52,72% të votave, duke siguruar 21,234 vota.

Në vendin e dytë renditet Lidhja Demokratike e Kosovës (LDK) me 29,80% apo 12,003 vota, ndërsa Partia Demokratike e Kosovës (PDK) ka marrë 7,98% të votave, që përkthehet në 3,213 vota.

Një garë e ngushtë po zhvillohet në Komunën e Pejës, ku LVV ka marrë 1,666 vota (42,34%), ndërsa LDK e ndjek nga afër me 1,503 vota (38,20%), shkruan Gazeta Infokus.

-Advertisement-

Procesi i numërimit të votave me postë po vazhdon dhe rezultatet përfundimtare pritet të publikohen në ditët në vijim.