Lajme

Von der Leyen sot në Sarajevë, nesër në Kosovë, Serbi e Mal të Zi

Autori: Gazeta inFokus 07:41 | 25 October 2024

Kryetarja e Komisionit Evropian, Ursula von der Leyen, sot në Sarajevë do të takohet me anëtarët e Presidencës së Bosnjës dhe Hercegovinës.

Për ditën e sotme është paralajmëruar takimi i Kryetares së Këshillit të Ministrave, Borjana Krishto dhe Presidentit Leyen.

Në kuadër të vizitës së saj dyditore në Bosnje dhe Hercegovinë, Leyen vizitoi dje Donja Jabllanicën, e cila ka pësuar më së shumti në përmbytjet e fundit.

-Advertisement-

Presidenti i Komisionit Evropian deklaroi me atë rast se BE-ja është e gatshme të ndihmojë Bosnjën dhe Hercegovinën në korrigjimin e pasojave të rrëshqitjeve të dheut dhe përmbytjeve që goditën pjesë të kantoneve të Bosnjës dhe Hercegovinës Qendrore-Neretva natën e 3-4 tetorit.

Ajo tha se Evropa nuk e ka harruar Bosnjën dhe Hercegovinën.

“Ne do të jemi miqtë dhe partnerët tuaj. E patë që Mekanizmi i Mbrojtjes Civile u aktivizua menjëherë dhe ishte prekëse të shihje njerëz, vullnetarë nga vende të ndryshme që ndihmojnë zonat e prekura. Sigurohuni që Evropa është me ju” – tha Leyen.

Gjatë turneut të saj në Donja Jabllanicë, ajo u shoqërua nga kryetarët e qyteteve të prekura nga përmbytjet e Jabllanicës, Konjicës, Kreshevës, Fojnicës dhe Kiseljakut, kryetarja e Qeverisë së Kantonit Hercegovina-Neretva, Marija Buhač dhe kryetari Kristo.

Presidentja e Komisionit Evropian, Ursula von der Leyen, ndodhet në një vizitë katër-ditore në Ballkanin Perëndimor dhe tashmë ka vizituar Shqipërinë dhe Maqedoninë e Veriut.

Pas vizitës në Bosnje dhe Hercegovinë, ajo do të vizitojë Serbinë, Kosovën dhe Malin e Zi.

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme