Auto&Tech

Volvo bën gati rivalin e Audi Q2

Autori: Gazeta inFokus 16:38 | 17 Maj 2017

Prodhuesit e automobilave premium kohëve të fundit kanë zgjeruar aktivitetin e tyre dhe në segmentin e veturave të vogla të udhëtarëve.

Audi ka shkuar edhe më tej në këtë drejtim, me modelin A1 dhe me crossover Q2 të prezantuar kohë më parë.

Pasi që modelet crossover/SUV janë më të kërkuara, nga kompania Volvo paralajmërojnë se ky prodhues pas modelit XC40, mund të krijojë edhe modelin më të vogël, Volvo XC20.

-Advertisement-

“Nga ana teknike, nuk është kurrfarë problemi të bëhet XC20, pasi platforma jonë mekanike modulare mund të zvogëlohet”, tha shefi i njësisë për zhvillim në Volvo Henrik Grin.

Ndryshe, platforma CMA (Compact Modular Architecture) është e zhvilluar për nevojat e gjeneratës së re të modeleve kompakte të Volvos, nga seria 40, prej të cilave më parë pritet të paraqitet XC40 dhe më vonë edhe V40 i ri.