Vokrri: Është kërkesë e BE-së që kërcënimẹt nga Serbia t’i trajtojmë me seriozitet
Autori: Gazeta inFokus 09:29 | 03 October 2024
Zëvendësministri i pushtetit lokal Arbër Vokrri ka mohuar zërat se qeveria e Kosovës po e përdorë çështjen e veriut për fushatë elektorale, duke theksuar se përderisa Serbia vazhdon ta ketë Kosovën pjesë të kushtetutës së saj, situata e sigurisë në Kosovë gjithmonë do të jetë e cenueshme.
Vokrri gjithashtu tha se është kërkesë e vet BE-së që çdo kërcënim që vjen nga Serbia ta trajtohet me seriozitet.
“Nuk po përdorët për fushatë por kërcënimet janë reale unë mund të ju them se edhe nga takimet që kam pasur me deputet të parlamentit Evropian më është kërku që çdo kërcënim nga Serbia të merret seriozisht”, tha ai për RTV21
Veprimet e fundit të qeverisë së Kosovës në veri, të cilat janë kundërshtuar nga bashkësia ndërkombëtare, sipas institucioneve të Kosovës, kanë kontribuar në integrimin e qytetarëve serbë në këtë pjesë të vendit.
Por, ndryshe mendon drejtori i institutit KIPRED, Lulzim Peci.
Sipas tij, në veri të vendit ka vetëm shtrije të policisë por jo edhe të funksionalitetit të plotë të institucioneve. Ai gjithashtu tha se atje ende përdoret dinari serb.
“ Atje ende kryhen pagesat me dinar pra nuk është ndaluar dinari atje ende qarkullon dinari ka edhe euro por ka edhe dinar pra është situatë e njejtë”, tha Peci.
Qarkullimin e dinarit në veri e konfirmoi edhe zëvendësministri i pushtetit lokal, Arbër Vokrri. Sipas tij, qëllimi i qeverisë ka qenë që të ndalohen transaksionet e mëdha të cilat, siç u shpreh ai, shkonin për financim të grupeve dhe bandave terroriste serbe.
“ Qytetarët mund të japin 2 lopë dhe të marrin 2 dhi, ose mund ta japin një traktor e të marrin një ari tokë ne nuk i përcjellim këto qëllimi ka qenë që të ndalohen transaksionet bankare pra ato të bëhen me valutën zyrtare euro ajo që mund të them është se atje nuk ka më dinar me thasë me të cilat financoheshin strukturat kriminale”, tha Vokrri, transmeton Klankosova.tv.
Ditë më parë në komunën e Zveçanit pati një shpërthim në afërsi të një pike karburanti, të hapur së fundi nga ndërmarrësit shqiptarë.
Njohësi i çështjeve të sigurisë Drizan Shala vlerëson se mbetjet e strukturave serbe në Kosovë, sërish rrezikojnë destabilizimin e sigurisë në veri.
“ Marrë parasysh shpërthimet dhe sulmet që kanë ndodhur ditëve të fundit atëherë arrihet në konkludim se mbetjet e bandave serbe mund të tentojnë një përshkallëzim të situatës atje”, tha Shala.
Të tjera
-
Votohen tri projektligje në Komisionin për Integrim Evropian, janë në përputhje me legjislacionin e BE-së
Komisioni për Integrim Evropian ka miratuar tri projektligje, në mbledhje...
-
Haradinaj uron Gjermaninë në 34-vjetorin e bashkimit: Aleate e palëkundur e Kosovës
3 tetori 1990-të, është dita kur u bë bashkimi i dy gjermanive në një të vetm...
-
Haziri për kthimin e Osmanit në LDK: Nëse ajo shikon mbrapa për një parti është Lista GUXO
Nënkryetari i LDK-së, Lutfi Haziri, ka folur për mundësinë e kthimit të presi...
-
“Poloninë e kemi shtet mik për shumë vite”, thotë Kurti nga Forumi i Varshavës
Kryeministri Albin Kurti ka dhënë detaje për takimet që ka pasur bashkë me mi...
-
Digjẹt ferma në Leposaviq, bashkë me të edhe disa kafshë shtëpiake
Një fermë është djegur në Leposaviq më 2 tetor rreth orës 04:10 minuta. Po...
-
Vushtri: Arrestohen tetë persona, u gjuajtën me armë mes vete
Tetë persona janë arrestuar në Vushtrri, pasi dyshohet se pas një mosmarrëves...
-
Policia shqiptoi 2605 gjoba trafiku për 24 orë
Policia e Kosovës ka bërë të ditur se brenda 24 orëve të kaluara ka shqiptuar...
-
Gërvalla në Francë, merr pjesë në Konferencën e 45-të Ministrore të Frankofonisë
Me ftesë të ministrit për Evropën dhe Punë të Jashtme të Francës, kryediploma...
-
Ministri Peci në Berlin: Po rriten kërkesat për ushqimet tona tradicionale
Ministri i Bujqësisë, Pylltarisë dhe Zhvillimit Rural, Faton Peci, ka marrë p...
-
Gërvalla në Francë, merr pjesë në Konferencën e 45-të Ministrore të Frankofonisë
Me ftesë të ministrit për Evropën dhe Punë të Jashtme të Francës, kryediploma...
-
Arrestohet edhe i dyshuari i dytë për dhὺnimin e të miturës në Suharekë
Policia ka bërë të ditur se është arrestuar personi i dytë i dyshuar për dhun...
-
Butikofer: QUINT-i gaboi me Kosovën
Ish-deputeti nga radhët e `Të Gjelbërve` në Parlamentin Evropian (PE), Reinha...