Lajme

Vlora Çitaku kërkon reforma në PDK – A është ky sinjal se ajo është e gatshme të marrë drejtimin e PDK-së

Autori: Gazeta inFokus 10:45 | 05 April 2021

Ish-Ambasadorja e Kosovës në Shtetet e Bashkuara të Amerikës, Vlora Çitaku, vlerëson se në PDK duhet të ketë reforma, shkruan GazetaBlic.

 

Çitaku përmes një postimi në Facebook, ka “goditur” deputetën Adelina Grainca, për çka thekson se, kjo e fundit nuk kaloi në VV sepse donte që Kosova me çdo kusht të shmangte zgjedhjet e parakohshme.Tutje ajo shton, se me ndryshu tabore politike brenda orës, pa asnjë arsye të artikuluar, sipas saj, është as më shumë e as më pak se mungesë elementare e vetëdijes politike.

Postimi i plotë:Me ndërru mendjen, qëndrimin dhe pozicionimin politik në demokraci është normale.

Herë ndryshojnë rrethanat, e herë ndryshojmë vet. Ama, me ndryshu tabore politike brenda orës, pa asnjë arsye të artikuluar, është as më shumë e as më pak se mungesë elementare e vetëdijes politike. Është reduktim i politikës në pazar.
Deputetja Grainca nuk kaloi në VV sepse donte që Kosova me çdo kusht të shmangte zgjedhjet e parakohshme, sepse zonja Grainca hyri në sallë në raundin e dytë, dhe vota e sajë ishte e panevojshme; as pse kishte shprehur ndonjë paknaqësi ne grupin e sajë parlamentar lidhur me orientimet politike të PDK-së.
Motivin e din më së miri ajo vet, por aman mos na e veshni oportunizmin politik me interes për Kosovën e sakrificë.
Poashtu, shpresoj që Partia Demokratike e Kosovës të marrë mësim. Të nisë procesin e reformave. Opozita është gjithmonë e rëndësishme, e posaçërisht tani.

Të tjera

Fokusi

lajme