Lajme

Vjosa Osmani takoi Koordinatoren e OKB-së për Zhvillim, Ulrika Richardson

Autori: Gazeta inFokus 17:33 | 10 August 2020

Kryetarja e Kuvendit të Kosovës, Vjosa Osmani ka takuar Koordinatoren e OKB-së për Zhvillim Ulrika Richardson

Me këtë rast, kryetarja Osmani e falënderoi Richardson për kontributin e Ekipit të Kombeve të Bashkuara të Kosovës në menaxhimin e pandemisë dhe sidomos për donacionet e dhëna. Njëkohësisht, kryetarja Osmani e njoftoi Richardson për marrëveshjet ndërkombëtare të ratifikuara në Kuvend.

Bashkëbiseduesit diskutuan edhe për rëndësinë dhe përgjegjësitë e palëve në situatën pandemike dhe për hapat që duhet të ndërmerren në mënyrë që të balancohet nevoja për rimëkëmbje ekonomike me domosdoshmërinë për të parandaluar zgjerimin e infeksionit me virus, si shkaktar i situatës aktuale.

-Advertisement-

Kryetarja Osmani përmendi kërkesat drejtuar vendeve dhe organizatave donatore për pajisje mjekësore dhe masa parandaluese, për të lehtësuar punën e institucioneve në menaxhimin e pandemisë.

Më tutje, bashkëbiseduesit potencuan se gjatë kësaj kohe është zbehur fokusi tek Agjenda e vitit 2030 dhe Objektivat e Zhvillimit të Qëndrueshëm (SDG), dhe shprehën gatishmërinë e tyre për të ndihmuar në avancimin e kësaj agjende në Kosovë. Me këtë rast, u theksua nevoja për funksionalizimin e këshillit të SDG-ve në kuadër të Kuvendit, dhe znj. Richardson shprehu gatishmërinë e UNKT-së për të ndihmuar në këtë aspekt.

Temë tjetër e diskutuar ishte Kodi Civil dhe disa aspekte të tij, të cilat së shpejti pritet të trajtohen nga Kuvendi i Kosovës. ​

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera