Lajme

Vjosa Osmani për minatorët: Kujtojmë me respekt luanët e nëntokës

Autori: Gazeta inFokus 19:04 | 20 February 2021

Ushtruesja e detyrës së presidentes, Vjosa Osmani,  në 32 vjetorin e grevës së minatorëve të Trepçës  ka thënë se rezistenca e minatorëve të Trepçës dhe kërkesat e tyre janë pikë reference për rezistencë kundër regjimit serb, shkruan Gazeta Infokus.

“Sot, në 32 vjetorin e grevës së minatorëve të Trepçës, kujtojmë me respekt luanët e nëntokës, të cilët me rezistencën e tyre arritën të krijojnë solidaritet e unitet popullor në tërë Kosovën. Kërkesat e tyre tejkaluan aspektet sindikale, duke u bërë pikë reference për rezistencë kundër regjimit dhe hegjemonisë serbe” ka thënë ajo.

Gjithashtu Osmani ka deklaruar se duhet të punohet shumë që minatorët të vlerësohen për punën e tyre.

“Rezistenca e tyre dridhi themelet e një pushteti sundues që promovonte e praktikonte diferencimin dhe pabarazinë. 32 vite pas, përveç se të kujtojmë tërë këtë sakrificë, duhet të punojmë pandalshëm që minatorët tanë të punojnë në kushte të dinjtetshme e të vlerësohen si duhet për punën e tyre” ka thënë Osmani./Gazeta Infokus/

Të tjera