Lajme

Vjosa Osmani për ish-presidentin Nishani: Ishte model i atdhetarit të pashoq

Autori: Gazeta inFokus 16:29 | 28 May 2022

Presidentja e Kosovës, Vjosa Osmani ka kujtuar ish-presidentin e Shqipërisë, Bujar Nishani, pas vdekjes së tij, shkruan Gazeta Infokus.

E para e vendit përmes një postimi në rrjetin social “Facebook”, i ka shprehur ngushëllime familjes së ish-presidentit.

“Në emër të qytetarëve të Republikës së Kosovës, i shpreh ngushëllime familjes Nishani si dhe miqve e bashkëpunëtorëve! Shpirti i Presidentit Nishani pushoftë në paqe”, ka shkruar presidentja.

Gjithashtu, ajo ka thënë se Nishani ishte model i atdhetarit të pashoq, i cili përfaqësoi Shqipërinë me dinjitet të lartë dhe përkrahu Kosovën parreshtur, deri në frymën e fundit.

“Ai një jetë të tërë ia kushtoi Shqipërisë dhe shqiptarëve, duke qenë shembull i politikanit racional e me integritet”, ka shkruar Osmani./Gazeta Infokus/

Të tjera