Lajme

Vjosa Osmani e uron Van der Bellen për rizgjedhjen e tij si president i Austrisë

Autori: Gazeta inFokus 15:10 | 10 October 2022

Presidentja Vjosa Osmani e ka uruar Alexander Van der Bellen për rizgjedhjen e tij si president i Austrisë.

“Ju uroj më të mirën derisa e merrni këtë mandat të ri!”

“Mezi pres të vazhdojmë të punojmë së bashku për të thelluar bashkëpunimin mes vendeve tona”, ka shkruar Osmani në Twitter.

-Advertisement-

Van der Bellen fitoi një shumicë të qartë votash, duke shmangur balotazhin. Ish-udhëheqësi 78-vjeçar i të Gjelbërve, ka fituar popullaritet të gjerë duke projektuar qetësi gjatë kohërave të krizës kombëtare, përfshirë edhe rënien e Qeverisë më 2019 dhe dorëheqjen e kancelarit Sebastian Kurz një vit më parë, mbi akuzat për korrupsion që Kurz ende i mohon.

Presidenti austriak kryen një rol kryesisht ceremonial, por gjithashtu ka fuqi gjithëpërfshirëse që nënkupton mbikëqyrjen e periudhave të tranzicionit dhe turbulencave.

Presidenti në Austri është Komandanti i Përgjithshëm i Ushtrisë dhe ka legjitimitet të shkarkojë të gjithë qeverinë dhe kancelarin.

Subscribe në YouTube: GAZETA INFOKUSI
FIFA Club World Cup ekskluzivisht vjen për herë të parë në Artmotion
-Advertisement-

Të tjera

Fokusi

lajme