Lajme

Vjen dorëheqja e radhës në Vetëvendosje, ja për kë bëhet fjalë!

Autori: Gazeta inFokus 16:38 | 26 January 2018

Në Lëvizjen Vetëvendosje dorëheqjet nuk kanë të ndalur. Pak minuta më parë, pas 13 viteve punë në Lëvizjen Vetëvendosje ka dhënë dorëheqje nga detyra e Sekretarit të Qendrës së VV në Besianë, Blerim Maqastena.

Maqastena këtë e ka bërë të ditur përmes një postimi që ka bërë në llogarinë e tij në Facebook.

Ai thotë se bindja politike, sakrifica dhe përkushtimi, që dikur ishin vlera të padiskutueshme, sot janë zëvendësuar me lakmi, pozita e privilegje.

-Advertisement-

Po ashtu, “gjatë kohës sa isha në Lëvizje kam mësuar shumë. Ngritja dhe pjekuria politike ka ardhur përmes formave të ndryshme siç janë aktivitetet e shumta, protestat dhe tribunat, e deri tek takimi me shumë qytetarë prej të cilëve jemi motivuar e kemi vazhduar. Së bashku kemi kaluar momente të vështira e të rrezikshme, por edhe momente gëzimi e krenarie”, ka shkruar Maqestena ndër të tjerash në Facebook.

Subscribe në YouTube: GAZETA INFOKUSI