Vizitat në Hagë, ish- krerëve të UÇK-së për tri orë u mundësohet privatësi e plotë me familjarët
Autori: Doresa Geci 11:04 | 06 July 2021
Nga mesi i korrikut, nisin të realizohen vizitat e para në Hagë ku familjarët mund t’i takojnë ish krerët e lartë të UÇK-së, që ndodhen në qendrën e paraburgimit atje.
Po bëhen gati një vit që nuk kanë pasur takim mes vete, prandaj të paraburgosurit dhe familjet mezi kanë pritur momentin për t’u parë.
Por koha e qëndrimit nuk do të jetë shumë e gjatë, shkruan Gazeta Infokus.
Në një përgjigje për Infokus, Dhomat e Specializuara kanë bërë me dije kohëzgjatjen e qëndrimit por edhe mundësitë që kanë të paraburgosurit për të kaluar kohë edhe vetëm me bashkëshortet e tyre.
“Një i paraburgosur lejohet të kalojë kohë me bashkëshorten ose partneren e tij dhe/ose fëmijët në një vizitë private, të paktën një herë në tre muaj, për një kohëzgjatje deri në tre orë. Vizitat private kryhen pa mbikëqyrjen e zyrtarëve të paraburgimit në një vend të përshtatshëm brenda objekteve të paraburgimit duke respektuar sigurinë dhe dinjitetin”, ka thënë zëdhënësja e Dhomave të Specializuara, Angela Griep.
Gjykata do të mundësoi të akuzuarve vend të përshtatshëm ku mundë të qëndrojnë më familjaret e tyre momente private, shkruan Gazeta Infokus.
“Zakonisht, kohëzgjatja e një vizite individuale është për aq kohë sa palët e dëshirojnë atë brenda orëve të vizitës. Sidoqoftë, duke marrë parasysh kërkesat e zakonshme dhe të arsyeshme të paraburgimit, zyrtari kryesor i paraburgimit mund të vendos kufizime të arsyeshme për vizitat, përfshirë kufizimet në kohën, numrin dhe kohëzgjatjen, bazuar në orarin ditor të Objekteve të Paraburgimit (përfshirë vizitat tjera të planifikuara), dhe disponueshmërinë e stafit dhe të pajisjeve”, kanë bërë të ditur nga Dhomat e Specilaiuara për Infokus.
E familjareve do të lejohen vizitat nga 15 korriku i këtij viti.
“Të gjithë të paraburgosurit kanë mundësi të arsyeshme për mbajtjen e marrëdhënieve personale me të tjerët, përfshirë edhe vizitat nga anëtarët e familjes. Bazuar në këshillat e azhurnuara mjekësore, dhe pas një fushate të suksesshme vaksinimi në Objektet e Paraburgimit masat kundër COVID-19 që aplikohen në Objektet e Paraburgimit po hiqen gradualisht dhe në mënyrë progresive. Vizitat familjare personale nga bashkëshortet ose partneret, prindërit, fëmijët dhe vëllezërit ose motrat e të paraburgosurve do të rinisin nga data 15 korrik 2021. Vizitat nga anëtarët tjerë të familjeve pritet të rinisin në gusht-shtator, nëse vlerësimi i fazës së parë, bazuar në këshillat e azhurnuara mjekësore, është pozitiv”, kanë deklaruar nga Dhomat e Specializuar për Infokus.
Por për të takuar të akuzuarit në Hagë, familjaret duhet të ndjekin një serë procedurash.
“Çdo vizitor personal është i detyruar të paraqes kërkesë për të marrë një leje vizite në mënyrë që të vizitojë një të paraburgosur dhe të veprojë në përputhje me të gjitha kërkesat përkatëse të sigurisë. Njësia e Menaxhimit të Paraburgimit lehtëson vizitat familjare me të afërm të ngushtë duke aplikuar procedura të thjeshtuara të vizitave. Një i afërm i ngushtë mund të paraqes kërkesë për leje vjetore për të vizituar një të paraburgosur. Nëse kërkesa për leje vjetore miratohet nga zyrtari kryesor i paraburgimit, i afërmi i ngushtë nuk është i detyruar të bëjë sërish kërkesë për të vizituar një të paraburgosur deri në përfundimin e afatit të vlefshmërisë së lejes së miratuar”, thuhet mes tjerash në përgjigjet e tyre.
Kështu sipas tyre për të marrë një leje të tillë, të afërmit mund të kontaktojnë Zyrën Administrative përmes postës elektronike. Kërkesa për leje duhet të bëhet të paktën 10 ditë kalendarike para vizitës së parë. Kur bëhet kërkesa për leje vjetore, i afërmi i ngushtë duhet të paraqes në Zyrën Administrative formularin e kërkesës me shkrim, të plotësuar në tërësi dhe të nënshkruar, duke përfshirë edhe një kopje të faqes së pasaportës së vet që ka fotografinë dhe informacion e dokumentacion të mjaftueshëm që vërtetojnë se vizitori është i afërm i ngushtë i të paraburgosurit.
Përveç kësaj, personat që kërkojnë vizë për të hyrë në territorin e Holandës duhet të paraqesin një kërkesë për vizitë të paktën tre javë para vizitës së planifikuar, dhe të informojnë Njësinë e Menaxhimit të Paraburgimit për nevojën e vizë./Gazeta Infokus/
Të tjera
-
Kosovari që u arrestua nën pretekstin për kri*me lu*fte në Serbi, nesër del para gjykatës
Kosovari që u arrestua nën pretekstin për krime lufte në Serbi, nesër del par...
-
Lirohet zëvendësdrejtori i Policisë së Kosovës që u arrestua nga Serbia
Zëvendësdrejtori i Policisë së Kosovës, Dejan Jankoviq, që u ndalua në kufi n...
-
Të shtëna armësh në Prishtinë
Mbrëmjen e sotshme në Prishtinë, në afërsi të një pompe derivatesh, ka pasur ...
-
Gazeta ukrainase: Më e udhës Kyivi ta zgjedh partnere Kosovën se Beogradin prorus -humbje historike për Serbinë në Strasburg
Asambleja Parlamentare e Këshillit të Evropës (PACE), të martën në mbrëmje vo...
-
Hoxhaj në Austri takon ish-kancelarin Kurz dhe deputetë austriakë, ka një kërkesë për ta
Ish-ministri i jashtëm i Kosovës, Enver Hoxhaj, gjatë një vizite në Austri, k...
-
Prindon Sadriu i gëzohet çmimit që e mori Presidentja: Krenar me ty
Presidentes së Kosovës Vjosa Osmani i është ndarë çmimi Evropian nga shoqëria...
-
Maqedonci ngre alarmin: Serbia nesër do të testojë dronë kamikazë në kufi me Kosovën
Ministri i Mbrojtjes, Ejup Maqedonci 24 orë pas bllokimit në kufi me Serbinë ...
-
Gërvalla takon ambasadorin amerikan – diskutuan për këto çështje
Ministrja e Punëve të Jashtme dhe Diasporës, Donika Gërvalla, ka zhvilluar ta...
-
ShBA do të vërë veton ndaj anëtarësimit të Palestinës në OKB
ShBA do të ushtrojë të drejtën e vetos nesër në një takim të Këshillit të Sig...
-
I vazhdohet paraburgimi Thaçit, Veselit dhe Bahtjarit
Në Dhomat e Specializuara të Kosovës (DhSK) në Hagë është marrë vendim për të...
-
Panairi i Kantonit, një mundësi për zgjerimin e komunikimit në fushën e biznesit
Kryeministri kinez Li Qiang u shpreh gjatë takimit me biznesmenët e huaj, pje...
-
Lëkundje të forta tërmeti në Turqi
Një tërmet më magnitudë 5.6 ballë është regjistruar në Turqi në provincën e T...