Lajme

Vizita në Amerikë, Kurti nuk zbulon datë: Do të shkoj në fillim të 2022-ës

Autori: Gazeta inFokus 12:43 | 29 Dhjetor 2021

Kryeministri Albin Kurti në një konferencë për media pas mbledhjes së Qeverisë ka folur për punën e derimëtashme të ekzekutivit.

Kurti tha se rritja ekonomike këtë vit është dyfishuar, duke shtuar se ka pasur zvogëlim të shpenzimeve qeveritare.

“Jemi të lumtur që po e përmbyllim vitin me një menaxhim të suksesshëm të pandemisë ku kemi mbërritur të administrojmë 1.6 milionë vaksina.

-Advertisement-

E arritur e theksuar në këtë vit është rritja ekonomike, praktikisht dy shifrore. Të hyrat buxhetore janë rritur për 30 përqind, eksportet për 60 përqind, investimet e huaja direkte 50 përqind. I kemi formalizuar 10 mijë vende të reja të punës.

Jemi duke transformuar mënyrën e planifikimit nga e pamatura në planifikim të bazuar në performancë”, u shpreh Kurti në konferencë për media.

Kurti ndër të tjera u pyet edhe për dialogun me Serbinë, me vetëm dy takime të realizuara këtë vit të nivelit të lartë.

“Për këtë vit janë zhvilluar vetëm dy takime mes meje dhe Vuçiq, mirëpo procesi i diskutimeve në Bruksel nuk ka qenë i padobishëm. Atje kemi arritur një marrëveshje për reciprocitetin e targave. Për marrëveshje ligjërisht të obligueshme duhet të ndryshojë pakrahasimisht Serbia. Besoj se vitin e ardhshëm do të ketë ftesa për takime”, u shpreh Kurti.

Kurti foli edhe për vizitën e tij të paralajmëruar në Amerikë, derisa tha se ajo pritet të zhvillohet në fillim të vitit të ardhshëm.

“Shefi i kabinetit tim është duke u përgatitur dhe kur të kemi informata konkrete do të mund të ju njoftojmë. Do të bëhet sa më parë në vitin në të cilin hyjmë, por nuk mund të ju japim më shumë informata”, u shpreh Kurti.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy