Lajme

Vitia për gjetjet e auditimit në shëndetësi: “Nuk jam as polic, as prokuror, me këta njerëz le të merret ligji”

Autori: Gazeta inFokus 13:03 | 13 November 2026

Ministri i Shëndetësisë, Arben Vitia, ka deklaruar në Kuvend se gjetjet e një auditimi të iniciuar nga Ministria e Shëndetësisë dhe bordi përkatës tashmë janë çështje me të cilën duhet të merren organet e drejtësisë, shkruan Gazeta Infokus.

Deputeti Uran Ismaili, deklaroi se ka fatura të mëdha që njerëzit blejn barna esenciale dhe se kjo po neglizhohet nga ministri Vitia.

Në një përgjigje ndaj deputetit Uran Ismaili, Vitia ka thënë se auditimi është iniciuar nga vetë institucionet shëndetësore, duke e cilësuar këtë si një rast unik.

-Advertisement-

“Shëndetësia ka avancuar dhe do të avancojë. Duhet ta dimë një gjë: është rast unik një auditim i cili është iniciuar nga Ministria e Shëndetësisë dhe bordi, ku janë gjetur këto të dhëna”, ka deklaruar Vitia.

Ai ka theksuar se nuk është detyrë e tij të veprojë si organ i ndjekjes, duke shtuar se përballja me personat e përfshirë në çështjen e auditimit duhet të bëhet përmes institucioneve të drejtësisë.

“Por, nuk jam as polic, as prokuror dhe nuk jam i përgatitur të përballem me ata njerëz pa forcën e ligjit. Tash ligji merret me këtë çështje”, ka deklaruar ministri.

Vitia nuk ka dhënë në këtë deklaratë hollësi për personat të cilëve u është referuar apo për veprimet konkrete që priten nga organet e drejtësisë.

“Shëndetësia ka avancu do të avancoj, do ta dijm një gjë, është rast unik një auditim i cili është iniciuar nga Ministia e Shëndetësis dhe bordi ku i ka gjetë këto të dhëna, por nuk jam as polic as prokuror, por sjam i përgatitu të parëballem me ata njerëz pa forcën e ligjit tash ligjit merret me këtë çështje.”

 

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy