Lajme

Viktimizohet Vuçiç: Serbia s’është për t’u servuar në pjatë

Autori: Gazeta inFokus 16:30 | 17 December 2022

Shteti i Serbisë, sipas presidentit Aleksandër Vuçiç, nuk do të servohet në një pjatë, ashtu siç do të dëshironte komuniteti ndërkombëtare apo vetë Kosova.

Sipas tij në krijimin e situatës në Veri të Kosovës në mënyrë indirekte kanë gisht edhe shtetet perëndimore të cilët i dalin përkrahë Kosovës.

“Këta miqtë dhe partnerët tanë perëndimor thonë se Kosova e ka de-përshkallëzuar konfliktin duke shtyrë zgjedhjet në Veri, por të njëjtit kanë harruar se 15 orë para shtyrjes Policia e Kosovës ‘ka tentuar të hyjë me zor’ në zyrat e komisioneve komunale zgjedhore”, ka thënë Vuçiç.

-Advertisement-

Kosova, sipas pretendimeve të Vuçiç, edhe pse në sytë e ndërkombëtareve po shihet si pala konstruktive, po arreston serb të pafajshëm, duke aluduar për ish-pjesëtarin e Policisë së Kosovës, Dejan Pantiç, i cili po akuzohet për sulme terroriste nga organet e drejtësisë kosovare, e për ish-kolegun e tij Srgjan Trajkoviç, i cili po akuzohet për krime luftë në Kosovë gjatë viteve 1998-1999.

“Arrestojnë njerëz që nuk janë as fajtor as borxhli, i keqtrajtojnë dhe nuk u japi ilaçet”, ka pretenduar Vuçiç, ani pse Policia e Kosovës e EULEX-i ka përgënjeshtruar prentendimet e tij se gjoja ish-policët serbë të arrestuar po trajtohen jo-dinjitetshëm nga organet e rendit.

Subscribe në YouTube: GAZETA INFOKUSI
BKT Kosova Nënshkruan Parimet për Fuqizim të Grave (WEPs)
-Advertisement-

Të tjera

Fokusi

lajme