Lajme

Videoja ku shfaqet Radoiçiqi s’është e ditës së sulmit në veri, thotë Daçiqi (VIDEO)

Autori: Gazeta inFokus 09:48 | 27 September 2023

Kryediplomati serb, Ivica Daçiq, ka thënë se nuk e di nëse në videon e publikuar nga ministri i Punëve të Brendshme të Kosovës, Xhelal Sveçla është nënkryetari i Listës Serbe, Milan Radoiçiq, por se është “e dukshme” siç tha ai se kjo” video nuk është nga dita e sulmit në veri të Kosovës”.

“Nuk kam asnjë informacion nëse ai (Radoiçiq) është në video apo jo, vërtet nuk e di”, tha Daçiq për Radio Televizionin e Serbisë më 26 shtator, duke thënë se video “nuk është e asaj dite” dhe se bëhet fjalë për “një shaka”, transmeton Klankosova.tv.

Të martën, ministri i Punëve të Brendshme të Kosovës, Xhelal Sveçla, publikoi një video ku tregon se Radoiçiqi ishte në mesin e personave të armatosur që mori pjesë në sulmin terrorist të së dielës në Banjskë të Zveçanit ku u vra polici Afrim Bunjaku.

-Advertisement-

“Kryekrimineli Radojçiq ka qenë udhëheqës i këtij grupi terrorist dhe i sulmit ku mbeti i vrarë polici Afrim Bunjaku. Kjo është edhe një dëshmi tjetër mbi veprimtarinë e tij terroriste ndaj Republikës së Kosovës. Nënkryetari i Listës Serbe është prijës i sulmit terrorist dhe grupit të terroristëve”, tha Sveçla.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy